ឯកឧត្ដម ប៉ែន វិបុល បញ្ជាក់ថា ថ្ងៃនេះ ក្រុមគ្រូពេទ្យធ្វើតេស្តសំណាកព្រះសង្ឃ និងអ្នកនៅវត្តសារាវ័នតេជោទាំងអស់ ២៧៥អង្គ/នាក់ រកឃើញវិជ្ជមាន១០អង្គ/នាក់

យោងតាមការបញ្ជាក់នៅលើគណនីហ្វេសប៊ុករបស់ ឯកឧត្ដម ប៉ែន វិបុល អនុរដ្ឋលេខាធិការ នៃក្រសួងធម្មការ និងសាសនា បានឲ្យដឹងនាយប់ថ្ងៃទី២៣ ខែឧសភា ឆ្នាំ២០២១ ថា នៅថ្ងៃទី២៣ ខែឧសភា ឆ្នាំ២០២១ នៅវត្តសារាវ័នតេជោបានបិតខ្ទប់ជាស្ថាពរហើយ ហើយនៅក្នុងខណៈពេលវេលាម៉ោងជាង៩យប់នេះក្រុមការងារ និងក្រុមគ្រូពេទ្យកំពុងអនុវត្តយកសំណាកកូវីដ១៩ពីសំណាកព្រះសង្ឃ និងអ្នកនៅក្នុងវត្តទាំងអស់បាន២៧៥អង្គ/នាក់ វិជ្ជមាន១០នាក់៕