សូមប្រយ័ត្ន! អ្នកមានស្នាមជ្រួញលើថ្ងាសច្រើន និងធំៗអាចប្រឈមនឹងការស្លាប់ ១០ ដងច្រើនជាង អ្នកដែលគ្មានស្នាមជ្រួញសោះ

ក្រុមអ្នកស្រាវជ្រាវបានព្រមានថា អ្នកដែលមានស្នាមជ្រួញនៅលើថ្ងាសច្រើន និងធំៗ អាចប្រឈមនឹងការកើតមានបញ្ហាសុខភាពធ្ងន់ធ្ងរ។ ការសិក្សានេះបានធ្វើឡើងដោយក្រុមអ្នកស្រាវជ្រាវបារាំង និងបានសិក្សាទៅលើមនុស្សចំនួន ៣,២០០នាក់ ដែលមានអាយុពី ៣២ ឆ្នាំ ដល់ ៦២ ឆ្នាំ។ លទ្ធផលនៃការសិក្សាបានបង្ហាញថា ​អ្នកមានដែលមានស្នាមជ្រួញលើថ្ងាសច្រើន និងធំៗភាគច្រើនជាមនុស្ស ដែលមានបញ្ហាសរសៃឈាមអាក់ទែរ ហើយបញ្ហាសរសៃឈាមអាក់ទែរនេះហើយអាចនាំទៅរកជំងឺដាច់សរសៃឈាមក្នុងបេះដូងនោះ។

ខណៈដែលអ្នកមានជំងឺដាច់សរសៃក្នុងបេះដូងអាចប្រឈមនឹងការស្លាប់បាត់បង់ជីវិតយ៉ាងឆាប់រហ័សនោះ ការសិក្សាខាងលើអាចទាញសេចក្តីសន្និដ្ឋានមួយថា អ្នកដែលមានស្នាមជ្រួញលើថ្ងាសច្រើន និងធំៗអាចប្រឈមនឹងការស្លាប់បាត់បង់ជីវិត ១០ ដងច្រើនជាងអ្នកដែលគ្មានស្នាមជ្រួញទាល់តែសោះ៕

អត្ថបទ៖ ភក្តី

ប្រភព៖ dailymail