ឯកឧត្តម ហេង រតនា ប្រធានស៊ីម៉ាក់ បញ្ជាក់ថា កម្ពុជាមានកណ្តុរចំនួន៥៧ក្បាលសំរាប់បំរើប្រតិបត្តិការបោសសំអាតមីន

ឯកឧត្តម ហេង រតនា ប្រធានស៊ីម៉ាក់ បានឲ្យដឹងថា លោក​ Michael Heiman ប្រធានអង្គការ APOPO ប្រចាំតំបន់​និងនៅកម្ពុជា​ បានជួបពិភាក្សាការងារ​ ជាមួយខ្ញុំលេីកិច្ចសហប្រតិបតិ្តការវាងកំលាំងសុីម៉ាក់និងអង្គការ APOPO​ ក្នុងការអនុវត្តបច្ចេកទេសបោសសំអាតមីនដោយសត្វកណ្តុរ​ ការស្រាវជ្រាវបច្ចេកទេសដោយសុនខ​ និងការជាវសុនខសុីម៉ាក់យកទៅប្រតិបតិ្តការនៅក្រៅប្រទេស។

សូមបញ្ជាក់ថា​ កណ្តុរ Magawa ដែលទទួលពានជេីងឯកនៅប្រទេសអង់គ្លេសនោះបានដាក់ឱ្យចូលនិវត្តន៍ដោយបញ្ហាអាយុ និងសុខភាព​ ហេីយ Magawa រក្សាទុកឱ្យសំរាកនៅទីតាំងសុីម៉ាក់ខេត្តសៀមរាប។ បច្ចុប្បន្ននេះ​ អង្គភាពសុីម៉ាក់និង APOPO សហការប្រេីប្រាស់កណ្តុរចំនួន៥៧ក្បាល​សំរាប់បំរេីប្រតិ្តបត្តិការបោសសំអាតមីន ដែលក្នុងនោះកំពុងប្រតិបតិ្តការចំនួន៣៤ក្បាល​ ដាក់ចូលនិវត្តន៍ចំនួន៥ក្បាល​ និងកំពុងហ្វឹកហ្វឹនចំនួន១៨ក្បាល។ ដោយឡែកសុនខដែលបានបញ្ជូនពីអង្គភាពសុីម៉ាក់ទៅបំរេីការនៅប្រទេសស៊ូដង់​ខាងត្បូង​ ប្រទេសអង់ហ្គោឡា​ និងប្រទេស​តួរគី​នោះបានបំពេញប្រតិបតិ្តការយ៉ាងល្អប្រសេីរ​ ហេីយខាងអង្គការ APOPO បានស្នេីសុំជាវសុនខមួយចំនួនបន្ថែមទៀតពីសុីម៉ាក់ ដេីម្បីយកទៅប្រតិបតិ្តការនៅប្រទេសមួយចំនួនផេ្សងទៀត។

ទន្ទឹងនឹងនេះដែរ​ លោក Michael Heiman​ បានបញ្ជាក់ពីលទ្ធភាពក្នុងការទទួលជំនួយពីប្រទេសប៊ែលហ្សិក​ក្នុងការគាំទ្រកិច្ចប្រតបតិ្តការរបស់អង្គភាពសុីម៉ាក់ក្នងរយ:ពេល៥ឆ្នាំ ២០២២-២០២៦​ ហេីយគោលដៅសំខាន់របស់គំរោងត្រូវបន្តអនុវត្តនៅទិសខេត្តព្រះវិហារ​ ជាពិសេសតំបន់ប្រាសាទព្រះវិហារ៕