ថ្ងៃនេះ ក្រសួងបន្តរកឃើញអ្នកឆ្លងកូវីដថ្មី ៧៩៩នាក់បន្ថែមទៀត និងអ្នកជាសះស្បើយថ្មី ៩១០នាក់

នៅថ្ងៃទី១៨ ខែមិថុនា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន ៧៩៩នាក់ ខណៈអ្នកបានជាសះស្បើយថ្មីមានចំនួន ៩១០នាក់ និងមានអ្នកបាត់បង់ជីវិត១៤នាក់។ គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន ៤១,៥៨១នាក់, ករណីជាសះស្បើយសរុប ៣៥,៩៤០នាក់ និងស្លាប់សរុប ៣៩៤នាក់៕