ឯកឧត្តម ហ៊ុន ជា ទ្រាំមិនបានបង្ហោះសារទាំងយប់ទាក់ទងនឹងការមើលថែទាំសត្វព្រៃនៅសួនសត្វ

រឿងរ៉ាវនៃការចិញ្ចឹមសត្វព្រៃរបស់ជនជាតិចិន នៅតែមានការចាប់អារម្មណ៍រហូតមានការប្រៀបធៀបការមើលថែទាំរបស់មន្ត្រីជំនាញនៅសួនសត្វថែមទៀតផង ដោយមហាជនមួយចំនួនបានបង្ហាញក្តីអាណិតចំពោះសត្វព្រៃ ខណៈពេលដែលពួកគេទៅទស្សនាម្តងៗឃើញថាសត្វទាំងនោះហាក់ដូចជាស្គម គ្មានភាពកក់ក្តៅនោះទេ។

ថ្មីៗនេះដែរ ឯកឧត្តម ហ៊ុន ជា ក៏បានបង្ហោះសារទាំងយប់មួយភ្ជាប់ជាមួយរូបថតប៉ុន្មានសន្លឹកបង្ហាញពីការថែមទាំសត្វព្រៃ នៅក្នុងសួនសត្វមួយកន្លែង ដែលមិនបានបង្ហាញឈ្មោះ ដោយឯកឧត្តម បានរៀបរាប់ថា៖ “ពិតជាមើលថែបានស្គមល្អមែនៗ បាទ ហើយម្លប់ត្រជាក់ល្អទៀត អោយគេសុំច្បាប់ចិញ្ចឹមទៅវាមានសុខភាពល្អហើយសុីឆ្ងាញ់នឹងមានអាយុវៃងជាងបាទ គ្មានជំនាញតែចង់ធ្វើចឹង”៕