ក្រសួងវប្បធម៌ ចេញសេចក្តីប្រកាសព័ត៌មាន ស្តីពីការសាងសង់ប្រាសាទថ្ម នៅប្រទេសថៃ ដោយភាគីព្រះចៅអធិការវត្ត នៅប្រទេសថៃ បញ្ជាក់ថាមិនបានលួចចម្លងប្លង់ប្រាសាទនៅកម្ពុជាទេ គឺសង់តាមគំនូសប្លង់ដោយខ្លួនឯង

កាលពីពេលថ្មីៗនេះមានអ្នកលេងបណ្ដាញសង្គមហ្វេសប៊ុកជាច្រើននាក់ បានសម្ដែងនូវការភ្ញាក់ផ្អើលយ៉ាងខ្លាំង បន្ទាប់ពីគណនីជនជាតិថៃម្នាក់ឈ្មោះថា Worachet Duangmakoed បានបង្ហោះរូបភាពមួយចំនួន ដែលបង្ហាញពីគម្រោងនៃការសាងសង់ប្រាសាទមួយនៅលើទឹកដីខេត្តបូរីរ៉ាមរបស់ប្រទេសថៃ មានលក្ខណៈស្រដៀងគ្នានឹងប្រាសាទអង្គវត្តរបស់ប្រទេសកម្ពុជា ។ រូបភាពទាំងនោះត្រូវបានបង្ហោះឡើងកាលពីថ្ងៃសុក្រ ទី០២ ខែកក្កដា ឆ្នាំ២០២១ កន្លងទៅថ្មីៗនេះ ដោយនៅក្នុងនោះរួមមានទាំងប្លង់ និងគំរូសម្រាប់ការសាងសង់ផងដែរ។

ដោយមាការយកចិត្តទុក្ខដាក់ពីសំណាក់ក្រសួងវប្បធម៌ និងវិចិត្រសិល្បៈ ពេលនេះក្រសួងបានចេញសេចក្តីប្រកាសព័ត៌មានមួយ ដោយមាន៣ចំនុចធំៗ ជូនដល់សាធារណជន ក៏ដូចជាអ្នកលេងបណ្តាញសង្គម Facebook បានដឹង។ សូមអានសេចក្តីប្រកាសព័ត៌មាននៅខាងក្រោម៖