អង់គ្លេសប្រកាសបរិច្ចាគវ៉ាក់សាំង AstraZeneca ១០០លានដូសតាមប្រទេសនានា ក្នុងនោះ​កម្ពុជាក៏នឹងទទួលបាន ៤១៥,០០០ដូសផងដែរក្នុងសប្តាហ៍នេះ

យោងតាមការបញ្ជាក់ពី ស្ថានទូត​អង់គ្លេស​ប្រចាំ​កម្ពុជា ​ឱ្យ​ដឹង​ថា​ នៅក្នុងកិច្ចប្រជុំ G7 ចក្រភពអង់គ្លេសបានប្រកាសបរិច្ចាគវ៉ាក់សាំង COVID 19 ចំនួន ១០០ លាន។ ចំនួនដូសដំបូងសម្រាប់ការបរិច្ចាគនេះគឺបានរៀបចំរួចរាល់ហើយ។

ប្រទេសកម្ពុជាស្ថិតក្នុងចំណោមប្រទេសដំបូងគេដែលបានទទួលវ៉ាក់សាំង AstraZeneca ចំនួន ៤១៥,០០០ដូស ក្នុងសប្តាហ៍នេះតាមរយៈកិច្ចព្រមព្រៀងទ្វេភាគី។ គ្មាននរណាម្នាក់មានសុវត្ថិភាព លុះត្រាតែយើងទាំងអស់គ្នាមានសុវត្ថិភាព។