បុគ្គលិកសុខាភិបាលចំនួន៩នាក់បានឆ្លងវីរុសកូវីដ១៩ បំប្លែងថ្មី Delta នៅខេត្តឧត្តរមានជ័យ

នៅយប់ថ្ងៃទី១ ខែសីហា ឆ្នាំ២០២១ ក្រសួងសុខាភិបាលកម្ពុជា បានធ្វើការប្រកាសរកឃើញករណីកូវីដវីរុសកូវីដ១៩ បំប្លែងខ្លួនថ្មី B.1.617.2 (Delta) ចំនួន១០៩ករណី នៅថ្ងៃទី៣១ ខែកក្កដា និងនៅថ្ងៃទី០១ ខែសីហា ឆ្នាំ២០២១។

រូបតំណាង

ដោយក្នុងនោះនៅខេត្តឧត្តរមានជ័យ នៅថ្ងៃទី៣១ ខែកក្កដា ឆ្នាំ២០២១ បានរកឃើញអ្នកឆ្លងរីវុសកូវីដ១៩ បំប្លែងថ្មី Delta ចំនួន១៣នាក់ ក្នុងនោះពលករមកពីប្រទេសថៃ ៩នាក់ និង៤នាក់ជាករណីឆ្លងក្នុងសហគមន៍ ។ ចំណែកនៅថ្ងៃទី១ ខែសីហា ឆ្នាំ២០២១ បានរកឃើញ អ្នកឆ្លងកូវីដ១៩ បំប្លែងថ្មី Delta ចំនួន២១នាក់ទៀត មានពលករមកពីប្រទេសថៃចំនួន ១២នាក់ ( អាចមានការប៉ះពាល់ដល់ប្រជាពលរដ្ឋលក់ដូរនៅក្នុងសហគមន៍) និងក្នុងនោះមានឆ្លងបុគ្គលិកសុខាភិបាលចំនួន៩នាក់ផងដែរ៕