ក្រុមគ្រូពេទ្យចុះយកសំណាកប្រជាពលរដ្ឋ និងអាជីវករ រស់នៅភូមិចុងថ្នល់ខាងលិច ក្នុងខណ្ឌសែនសុខ ពាក់ព័ន្ធកូវីដ-១៩ បំប្លែងថ្មី Delta និងបានរកឃើញអ្នកវិជ្ជមានម្នាក់ ក្នុងចំណោម ២២២នាក់

រាជធានីភ្នំពេញ៖ យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ ថ្ងៃទី២៨ សីហា ឆ្នាំ២០២១ បានឲ្យដឹងថា ក្រុមគ្រូពេទ្យសម្ដេចតេជោប្រឆាំងកូវីដ១៩ បានចុះយកសំណាកប្រជាពលរដ្ឋ និងអាជីវកររស់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ដែលពាក់ពន្ធ័ករណី កូវីដ១៩ បំប្លែងថ្មីDelta លទ្ធផលតេស្តរហ័សលើកទី១ រកឃើញវិជ្ជមានកូវីដចំនួន ០១នាក់ ក្នុងចំណោមអ្នកយកសំណាក ២២២នាក់ នៅបន្តរងចាំលទ្ធផលវិភាគរកមេរោគកូវីដ១៩ បំប្លែងថ្មី Delta ។

ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ២១ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ! សូមចូលរួមពាក់ម៉ាស់ រក្សាគម្លាត និង ឧស្សាហ៍លាងដៃ គ្រប់ទីកន្លែង គ្រប់ពេលវេលា!! សូមអរគុណ!

ប្រភព៖ អនុគណៈកម្មការស្រាវជ្រាវជំងឺកូវីដ១៩