រលកយក្សស៊ូណាមិសម្លាប់មនុស្សរាប់ពាន់នាក់មិនទាន់បាត់រន្ធត់ផង ឥលូវឥណ្ឌូនេស៊ីថែមគ្រោះរញ្ចួយដី២ទៀត

ឥណ្ឌូនេស៊ី៖ ថ្មីកន្លងទៅនេះ ឥណ្ឌូនេស៊ីដោះស្រាយបញ្ហារលកយក្សស៊ូណាមិមិនទាន់រួចផង ស្រាប់តែនៅក្នុងថ្ងៃអង្គារ ទី២ នេះ ឥណ្ឌូនេស៊ីទទួលរងនូវគ្រោះរញ្ជួយដី២ផ្សេងទៀត នេះបើយោងតាមការអង្កេតភូមិសាស្ត្រសហរដ្ឋអាមេរិក (USGS)។ គ្រោះរញ្ជួយដីទីមួយបានកើតឡើងក្នុងកម្រិត ៥,៩ រ៊ិចទ័រ និងបានកើតឡើងនៅទីតាំង ៤០ គីឡូម៉ែត្រពីកោះ Sumba។ ​កោះមួយនេះមានប្រជាជនសរុបចំនួន ៧៥០,០០០ នាក់ កំពុងរស់នៅ។ ១៥ នាទី ក្រោយមកគ្រោះរញ្ជួយដីបានកើតមានម្តងទៀត គឺបានកើតឡើងក្នុងកម្រិត ៦,០ រ៊ិចទ័រ ដែលបានវាយប្រហារនៅតំបន់ដែលមានចម្ងាយ ១,៦០០ គីឡូម៉ែត្រពីកោះ Sulawesi ។ បន្ទាប់ពីកើតមានគ្រោះរញ្ជួយដីទាំងពីរលើកនេះ គេនៅមិនទាន់ដឹងថា មានផលប៉ះពាល់យ៉ាងណា ឬមានជនរងគ្រោះប៉ុន្មាននាក់នៅឡើយទេ៕

អត្ថបទ៖ ភក្តី

ប្រភព៖ channelnewsasia