នាយកដ្ឋានប្រយុទ្ធនឹងជំងឺឆ្លង បញ្ជាក់ច្បាស់ៗថា អ្នកបាត់កាតចាក់វ៉ាក់សាំង​ គឺមិនទាន់មានគោលការណ៍ផ្តល់ជូនកាតថ្មីនៅឡើយទេ តែអាច​ស្វែងរក និងអាចស្នើសុំកែតម្រូវព័ត៌មានបានតាមរយៈគេហទំព័រ​មួយនេះ

កាលពីថ្ងៃទី ០៣ ខែវិច្ឆិកា ឆ្នាំ២០២១ នេះ នាយកដ្ឋានប្រយុទ្ធនឹងជំងឺឆ្លង CDC បានចេញផ្សាយ​ថា ចំពោះបុគ្គលដែលបានបាត់កាតចាក់វ៉ាក់សាំង​កូវីដ-១៩ មិនទាន់មានគោលការណ៍ផ្តល់ជូនកាតថ្មីនៅឡើយទេ​។ ប៉ុន្តែ នាយកដ្ឋានប្រយុទ្ធនឹងជំងឺឆ្លង បានបង្ហាញនូវគេហទំព័រមួយ ដែលអាចឱ្យបងប្អូនស្វែងរកពត៌មានតាមរយៈគេហទំព័រ​ និងអាចស្នើសុំកែតម្រូវព័ត៌មានបាន តាមរយៈ https://search.vaccine.gov.kh/។

ទន្ទឹមនឹងនោះ នាយកដ្ឋានប្រយុទ្ធនឹងជំងឺឆ្លង ក៏បានបញ្ជាក់ផងដែរថា ចំពោះបុគ្គលដែលបានចាក់វ៉ាក់សាំងកូវីដ-១៩​ ដោយក្រសួងការពារជាតិ​ សូមទាក់ទងទីតាំងដែលបានចាក់ ឬអង្គភាពរបស់ខ្លួន​ ។ ព័ត៌មានបន្ថែមសូមទាក់ទងលេខ​ ១១៥

អត្ថបទ៖ លីនី