តារាចម្រៀងយុវវ័យកំពុងពេញនិយម លោក សំ សុវណ្ណារ៉ាក់ ស្រាប់តែឃើញបើកបង្ហាញជាផ្លូវការភ្លាមៗថា ត្រូវចាប់ដៃគូ ជាមួយតារាសម្តែងវ័យក្មេងរូបស្រស់ អាង សុជាតា ហៅ ឈូឈូ នៅក្នុងភាពយន្តភាគថ្មីរបស់ ទូរទស្សន៍ ហង្សមាស។

ពីមុនមកក៏ធ្លាប់មានលេចឮមកហើយថា អ្នកទាំងពីរទំនងជាមួយទំនាក់ទំនងស្នេហាជាមួយគ្នាបន្ទាប់ពីត្រូវ បានឃើញពីភាពស្និទ្ធស្នាលទាំងក្នុងបណ្តាញសង្គម ទាំងក្នុងការងារ។

តែយ៉ាងណា អ្នកទាំងពីរក៏មិនបានចេញមុខបកស្រាយអ្វីទេនាពេលនោះ ហើយក៏លែងសូវបង្ហាញពីភាព ស្និទ្ធស្នាល ទើបធ្វើឲ្យពាក្យខ្សឹបខ្សាវក៏រយាលទៅតាមនោះដែរ។

ក៏ប៉ុន្តែភាពភ្ញាក់ផ្អើលក៏បានត្រលប់មកវិញ បន្ទាប់ពីប៉ុស្តិ៍ទូរទស្សន៍ដ៏ពេញនិយមជាងគេបានបញ្ចេញ Official Trailer រឿងភាគថ្មី ដែលក្នុងនោះគឺឃើញមានវត្តមានរបស់ លោក សំ សុវណ្ណារ៉ាក់ និង កញ្ញា ឈូឈូ លេចមុខ រួមគ្នា ហើយចាប់ជាគូនឹងគ្នាតែម្តងនៅក្នុងរឿងភាគមួយនេះ។

យើងមិនទាន់ដឹងពីភាពរីកចម្រើននៃទំនាក់ទំនងអ្នកទាំងពីរយ៉ាងណានោះទេ តែសង្ឃឹមថាការចាប់ដៃគូ ជាមួយគ្នាក្នុងរឿងភាគដំបូងនេះ នឹងធ្វើឲ្យហ្វេនទទួលបានរូបភាពលើសជាតិស្កថែមទៀតមិនខាន។ ទស្សនា Official Trailer ខាងក្រោម៖

គួរបញ្ជាក់ផងដែរថា រឿង ឫស្យា គឺជារឿងភាគថ្មីរបស់ទូរទស្សន៍ ហង្សមាស HDTV ដែលជារឿងប្រភេទ សម័យអាណានិគមបារាំង ប្រមូលផ្តុំតួល្បីៗច្រើនជំនាន់មកជុំគ្នាតែម្តង។