ឆ្លងចរន្តអគ្គិសនី បណ្ដាលឲ្យឆាបឆេះផ្ទះល្វែងជាន់ទី៣ ខូចខាតអស់ទាំងស្រុង សិ្ថតនៅភូមិទី៦ សង្កាត់កំពង់ធំ ខេត្តកំពង់ធំ
ខេត្តកំពង់ធំ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា ថ្ងៃពុធ ៩រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែមករា ឆ្នាំ២០២២ វេលាម៉ោង ១៦៖២០ នាទីរសៀល ដែលសិ្ថតនៅភូមិទី៦ សង្កាត់ កំពង់ធំ ក្រុងស្ទឹងសែន ខេត្តកំពង់ធំ មានករណីអគ្គិភ័យបានកើតឡើងចំនួន០១លេីបណ្ដាលឲ្យឆេះផ្ទះល្វែងឈ្មោះ សេង ហ៊ាន ភេទប្រុស អាយុ ៥៤ឆ្នាំ ផ្ទះទំហំ ០៤x១៥ ម៉ែត្រ ធ្វើអំពីថ្មលាយឈើប្រក់ស័ង្កសី (ខូចខាតខាងលើជាន់ទី៣ទាំងស្រុង)។
+ សម្ភារៈខូចខាតរួមមាន៖
- ទូរទស្សន៍ចំនួន ០៣ គ្រឿង
- លុយចំនួនប្រហែល ០៣ លានរៀល
- ទូរខោអាវ
- កុំព្យូទ័រចំនួន ០១ឈុត និងសម្ភារៈប្រើប្រាស់មួយចំនួនទៀត។
+ មូលហេតុ៖ បណ្តាលមកពីឆ្លងចរន្តអគ្គិសនី ។
+ កងកម្លាំងអន្តរាគមន៍បង្ការពន្លត់អគ្គិភ័យបានប្រេីប្រាស់រថយន្តពន្លត់អគ្គិភ័យចេញអន្តរាគមន៍ចំនួន០៦គ្រឿងរួមមាន៖
- រថយន្តអគ្គិភ័យរបស់ស្នងការដ្ឋានចំនួន០៣គ្រឿង ។
- រថយន្តអគ្គិភ័យរបស់ស្រុកកំពង់ស្វាយចំនួន០១គ្រឿង ។
- រថយន្តអគ្គិភ័យរបស់ស្រុកសន្ទុកចំនួន០១គ្រឿង ។
- រថយន្តអគ្គិភ័យរបស់ស្រុកបារាយណ៍ចំនួន០១គ្រឿង ។
- បានប្រើប្រាស់ទឹកអស់១៥រថយន្ដ ស្មើនឹង៦០ម៉ែត្រគុប ។
ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ