ស្ថានអគ្គរាជទូតកម្ពុជាប្រចាំប្រទេសថៃ ណែនាំអំពីការធ្វើដំណើរពីកម្ពុជា ចូលប្រទេសថៃ ដោយមិនតម្រូវឲ្យធ្វើចត្តាឡីស័ក ចាប់ពីថ្ងៃទី០១ ខែកុម្ភៈ ឆ្នាំ២០២២នេះតទៅ
រាជធានីភ្នំពេញ៖ យោងតាមការចុះផ្សាយរបស់ ស្ថានអគ្គរាជទូតកម្ពុជា ប្រចាំព្រះរាជាណាចក្រថៃឡង់ដ៏ នៅថ្ងៃទី២៨ ខែមករា ឆ្នាំ២០២២ បានចេញសេចក្ដីណែនាំ ការធ្វើដំណើរមកពីកម្ពុជា ចូលថៃ មិនតម្រូវឲ្យធ្វើចត្តាឡីស័ក សម្រាប់អ្នកដំំណើរដែលបានចាក់វ៉ាក់សាំងពេញលេញមិនតិចជាង ១៤ថ្ងៃអនុវត្តចាប់ពីថ្ងៃទី០១ ខែកុម្ភៈ ឆ្នាំ២០២២ (ចូលតាមផ្លូវអាកាសតែប៉ុណ្ណោះ) ៖
មុនពេលធ្វើដំណើរត្រូវមាន៖
១.លិខិតឆ្លងដែន+ទិដ្ឋាការថៃ(បើតម្រូវឲ្យមាន)
២.ប័ណ្ណចាក់វ៉ាក់សាំងបង្ការជំងឺកូវីដ-១៩ ពេញលេញមិនតិចជា១៤ ថ្ងៃ
២.ឯកសារធានារ៉ាប់រងសុខភាពដែលមានទឹកប្រាក់ធានាមិនតិចជាង ៥០០០០ដុល្លារ
៣.ឯកសារកក់ SHA+ (ត្រូវមានបញ្ជាក់អំពីការបង់ប្រាក់) ដើម្បីរង់ចាំលទ្ធផលធ្វើតេស្តកូវីដ-១៩ ពេលទៅដល់ប្រទេសថៃ
៤.ចុះឈ្មោះស្នើសុំ Thailand Pass ពីគេហទំព័របស់រដ្ឋាភិបាលថៃ (tp.consular.go.th)មុនពេលធ្វើដំណើរយ៉ាងតិច ៧ថ្ងៃ
៥.វិញ្ញាបនបត្របញ្ជាក់ថាគ្មានជំងឺកូវីដ-១៩ មិនលើសពី ៧២ម៉ោងមុនពេលធ្វើដំណើរ ឬលទ្ធផលតេស្តវិជ្ជមានត្រូវមានលិខិតបញ្ជក់ពីគ្រូពេទ្យថា ទើបជាសះស្បើយពីជំងឺកូវីដ-១៩ (មិនតិចជាង ១៤ថ្ងៃ និងមិនលើសពី៩០ថ្ងៃ) ចំពោះក្មេងអាយុក្រោម ៦ឆ្នាំ ដែលធ្វើដំណើរជាមួយឪពុកឬម្ដាយ មិនតម្រូវឲ្យធ្វើតេស្តPR-PCR Test Covid-19 ទេ
ចំណាំ៖ ត្រូវរស់នៅក្នុងប្រទេសដែលមុនធ្វើដំណើរចេញឲ្យបានរយៈពេលយ៉ាងតិច ២១ថ្ងៃជាប់ៗគ្នា។
ពេលមកដល់តម្រូវឲ្យអនុវត្ត៖
១.បង្ហាញឯកសារពាក់ព័ន្ធខាងលើ(១-៥)
២.ធ្វើតេស្ត RT-PCR រកជំងឺកូវីដ-១៩
៣.អនុវត្តតាមការណែនាំផ្សេងៗទៀតរបស់មន្ត្រីមានសមត្ថកិច្ចថៃ
៤.រង់ចាំលទ្ធផល ១យប់ នៅសណ្ឋាគារ SHA+ ឬ AQ ដែលបានកក់ ។
៥.តម្រូវឲ្យធ្វើតេស្ត PT-PCR រកជំងឺកូវីដ-១៩ លើកទី២ នៅថ្ងៃទី៥ ក្រោយពេលមកដល់ប្រទេសថៃ នៅសណ្ឋាគារដែលបានកក់ទុក និងរងចាំលទ្ធផលតេស្តបញ្ជាក់ថាអវិជ្ជមាន ទើបអាចចេញពីសណ្ឋាគារ និងធ្វើដំណើរដោយសេរីបាន ៕
