ក្រសួងសុខាភិបាលវៀតណាម បានបញ្ជាក់ពីករណីជំងឺ Covid-19 ក្នុងស្រុកថ្មីចំនួន ២៩,៤០៣ ករណី នៅក្នុងទីក្រុង និងខេត្តចំនួន ៦៣ របស់ខ្លួនកាលពីយប់ថ្ងៃចន្ទ ដែលជំរុញឱ្យចំនួនករណីនៅក្នុងរលកឆ្លងដែលកំពុងបន្ត កើនឡើងដល់ ២,៥១០,៦៦២ ករណី។ មូលដ្ឋានចំនួន ៣ ដែលមានចំនួនករណីថ្មីខ្ពស់បំផុតគឺទីក្រុងហាណូយ ដែលមាន ៣,៥០៧ ករណី, ទីក្រុង Hai Duong មាន ១,៩១៥ ករណី និងទីក្រុង Hai Phong មាន ១,៤៨៩ ករណី នេះបើតាមការចុះផ្សាយរបស់សារព័ត៌មាន VNExpress ។

ប្រទេសវៀតណាមក៏បានកត់ត្រាករណីអូមីក្រុងចំនួន ១៩៨ ករណី ដែលក្នុងនោះមាន ៩៧ ករណី នៅក្នុងទីក្រុងហូជីមិញ។ ចំនួនអ្នកស្លាប់ដោយសារជំងឺ Covid-19 នៅវៀតណាមបានកើនឡើងដល់ ៣៩,០៤០ ករណី ជាមួយនឹងការបញ្ជាក់ថ្មីចំនួន ៩១ នាក់ កាលពីថ្ងៃចន្ទ។ ក្រសួងសុខាភិបាលក៏បានបញ្ជាក់ពីអ្នកជាសះស្បើយចំនួន ៦,១៩៣ ករណី នៅថ្ងៃដដែល ដែលនាំឱ្យចំនួនអ្នកជាសះស្បើយសរុបមកទល់ពេលនេះ មានដល់ ២,២៣២,៩៤៧ ករណី។ ប្រជាជនជាង ៧៤.៧ លាននាក់ ក្នុងចំណោមប្រជាជនទាំង ៩៦ លាននាក់ របស់វៀតណាមបានចាក់វ៉ាក់សាំងចំនួន ២ ដង ហើយជាង ៣២ លាននាក់ បានទទួលការចាក់វ៉ាក់សាំងលើកទី ៣ ៕

អត្ថបទ៖ លីដា
ប្រភព៖ VNExpress