កាលពីថ្ងៃទី 28 ខែកុម្ភៈ ឆ្នាំ 2022 កន្លងទៅនេះ ក្រុមហ៊ុន Iron Capital PLC បានប្រារព្ធពិធីសម្ពោធក្រុមហ៊ុនបុត្រសម្ព័ន្ធរបស់ខ្លួនគឺ យានដ្ឋាន A Klasse Auto សាខាទី 3 នៅតំបន់បឹងស្នោរ ដែលជាមជ្ឈមណ្ឌលផ្តល់នូវសេវាជួសជុល ថែទាំរថយន្តតែមួយគត់ដែលបំពាក់ដោយបរិក្ខារទំនើបៗ រួមទាំងសេវាកម្មស្របតាមស្តង់ដាររថយន្តអន្តរជាតិជូនដល់ប្រជាពលរដ្ឋខ្មែរ។

យានដ្ឋានមានទំហំសរុប 4468ម៉ែត្រការ៉េ ដែលទើបសាងសង់ថ្មីមានទីតាំងនៅតាមបណ្ដោយ ផ្លូវជាតិលេខ1 ភូមិបឹងឈូក សង្កាត់និរោធ ខណ្ឌច្បារអំពៅ ហើយគណះគ្រប់គ្រងបានយកចិត្តទុកដាក់ខ្ពស់ណាស់ ដើម្បីធានាផ្តល់នូវសេវាកម្មដ៏មានទំនុកចិត្ត ពីបុគ្គលិកមានជំនាញវិជ្ជាជីវៈខ្ពស់របស់យើង រួមទាំងការផ្ដល់ជូននូវគ្រឿងបរិក្ខារទំនើប ឧបករណ៍ជួសជុល និងគ្រឿងបន្លាស់មានស្តង់ដាជាក់លាក់សម្រាប់អតិថិជន។

កម្មវិធីសម្ភោធនេះ ក៏មានការចូលរួមជាភ្ញៀវកិត្តិយសពីសំណាក់វត្តមានឯកត្តម លោក ស៊ុន ចាន់ថុល រដ្ឋមន្ត្រី នៃក្រសួងសាធារណការ និងដឹកជញ្ជូន ព្រមទាំងវត្តមានឧកញ្ញា លោកជំទាវ និងលោក Herfried Hasenoehrl ប្រធានក្រុមប្រឹក្សាភិបាលនៃក្រុមហ៊ុន Iron Capital PLC ផងដែរ។

លោក Hasenoehrl បានមានប្រសាស៍ថា «បេសកកម្ម របស់ក្រុមហ៊ុន Iron Capital បានឈាននៃការដាក់ដំណើរការយានដ្ឋានជុសជុលនិងថែទាំយានយន្តសាខាទីបីនេះ ស្របជាមួយនឹងការផ្តោតសំខាន់លើអតិថិជន ថាពួកគាត់នឹងទទួលបានសេវាកម្មមួយស្តង់ដានិងមានគុណភាពខ្ពស់សម្រាប់យានយន្ដដ៏មានតម្លៃរបស់ពួកគាត់។ ដូចដែលអ្នកបានដឹងហើយថា យានដ្ឋាន A Klasse Auto គឺជាយានដ្ឋានហ្រ្វែនឆាយស្តង់ដា មានការបញ្ជាក់កំរិតស្តង់ដា ISO ត្រឹមត្រូវនិងដំបូងគេបង្អស់នៅកម្ពុជា និងជាមជ្ឈមណ្ឌលតែមួយគត់ ដែលផ្គត់ផ្គង់ជូនសេវាកម្មជួសជុល ថែទាំ និងលាងសម្អាតរថយន្តប្រព្រឹត្តតាមស្តង់ដានិងទំនុកចិត្តខ្ពស់។

យានដ្ឋាន AKlasse Auto ប្តេជ្ញាមុះមុតសម្រាប់ផ្តល់បទពិសោធន៍យ៉ាងល្អបំផុតជូនប្រជាជនកម្ពុជា ពីផលិតផល និងសេវាកម្មជួសជុលយានយន្តគុណភាពខ្ពស់របស់យើង ជាមួយនឹងអ្នកឯកទេសដែលមានជំនាញវិជ្ជាជីវៈត្រឹមត្រូវ មានទំនុកចិត្ត មានផាសុខភាព និងមានអារម្មណ៍សុវត្ថិភាពក្នុងការប្រើប្រាស់សេវាកម្មរបស់ពួកយើងហើយស័ក្តិសមបំផុតក្នុងការចំណាយយ៉ាងមានទំនុកចិត្តខ្ពស់។

អំពីយានដ្ឋាន A Klasse Auto
បង្កើតឡើងដោយសហគ្រិនក្នុងស្រុកដែលមានបទពិសោធន៍ជាង 20 ឆ្នាំក្នុងវិស័យផ្តល់សេវាកម្ម និងថែទាំយានយន្ត។ A Klasse Auto គឺជាយានដ្ឋានហ្រ្វែនឆាយស្តង់ដាខ្ពស់ ដែលមានការបញ្ជាក់កំរិតស្តង់ដាISO ដំបូងគេនៅក្នុងប្រទេសកម្ពុជា មានឯកទេសច្បាស់លាស់ផ្នែកជួសជុលយានយន្តកម្រិត ស្រាល កម្រិត ធ្ងន់ សេវាថែទាំ យានយន្ត ពិនិត្យជួសជុល តោន បាញ់ថ្នាំ ស្ទូច-សណ្ដោង និងសេវាជួសជុលចល័ត តាមដងផ្លូវ។ ក្រុមហ៊ុនបាន នឹងកំពុងកសាងកិត្តិនាមជាបណ្ដើរៗ ក្នុងការផ្ដល់ផលិតផលនិងសេវាកម្មដែលមានគុណភាព ដោយការចាប់ដៃគូ ជាមួយរោងចក្រនិងភ្នាក់ងារចែកចាយដែលមានទំនុលចិត្តខ្ពស់ រួមជាមួយនឹងសមត្ថភាពរបស់ខ្លួនក្នុងការថែទាំ ជួសជុលរថយន្តម៉ាកល្បីៗចម្រុះ រាប់តាំងពីរថយន្តធម្មតារហូតដល់រថយន្តទំនើបប្រណីត។

សម្រាប់ព័ត៌មានបន្ថែម សូមមកកាន់សាខាណាមួយរបស់យានដ្ឋាន A Klasse Auto រឺក៏ចូលតាមដានក្នុងទំព័រហ្វេសប៊ុកផ្លូវការរបស់យើងតាមរយៈ www.facebook.com/Aklasseauto/