ឯកឧត្តមបណ្ឌិត ម៉ុង ឫទ្ធី ដែលគេស្គាល់ថាជាសេដ្ឋីកសិកម្មនៅកម្ពុជា បានបង្ហោះសារមួយឃ្លាជុំវិញជីវិតពិតរបស់អ្នកប្រកបអាជីវកម្មដាំស្វាយកែវរមៀត ដោយក្នុងឆ្នាំ២០២២នេះតំលៃរបស់វាបានធ្លាក់យ៉ាងខ្លាំងស្ទើតែដល់កំរិតសូន្យទៅហើយ។ ឯកឧត្តមបណ្ឌិត ម៉ុង ឫទ្ធី បានរៀបរាប់នៅលើទំព័រ Facebook ផ្លូវការរបស់លោកនារសៀលថ្ងៃទី២៧ ខែមីនា ឆ្នាំ២០២២ នេះថា៖

“ថ្ងៃ​នេះ​ខ្ញុំ​សុំនិយាយ​ពី​ជីវិត​ពិត​របស់​អ្នក​ប្រកប​អាជីវកម្ម​ដាំស្វាយ​កែវរមៀត​ សម្រាប់​រដូវប្រមូលផល​នៅដេីមឆ្នាំ​២០២២នេះ​ តម្លៃ​ផ្លែស្វាយ​ក្រៅ​​កញ្ចប់​លក់អោយ​ឈ្មួញ​ក្នុងស្រុក​បានតែ២០០រៀលមួយគីឡូ​ទេ​ ពួកគាត់​មកបេះ​ដល់ចំការ​ដឹកយកទៅ​លក់ចែកចាយបន្ត​ នៅតាមទីផ្សារក្នុង​ស្រុក​បាន​តម្លៃ​ជាមធ្យមតែ​​៥០០រៀល​ទេ​ បេី​ព្រាបធៀប​តម្លៃ​កាលពីមុន​វិបត្តិ​កូវិត​១៩​ តម្លៃ​ផ្លែស្វាយ​កែវរមៀត​ក្រៅ​កញ្ចប់​យ៉ាង​ថោកបំផុត​ក៏លក់បាន​១.០០០រៀល​ដែ នៅពេលនេះ​តម្លៃ​ទំនិញឡេីងថ្លៃ​ស្ទេី​តែគ្រប់មុខ​ អភ័ព្វ​អីតែ​តម្លៃ​ផ្លែស្វាយ​កែវរមៀត​ចុះថ្លៃ​ស្ទេីតែ​ដល់​កំរិតសូន​ទៅហេីយ​ ផលផ្លែស្វាយ​ចំការខ្ញុំ​ជា​មធ្យម​មួយរយតោន​ក្នុងមួយៗ​។”