កាលពីពេលថ្មីៗនេះមានការចែករំលែកតៗគ្នាពេញបណ្តាញសង្គម Facebook ពីបុរសតឿម្នាក់ជាមួយនឹងក្រុមរបស់ខ្លួនបានថតវិដេអូយកលាមកសត្វគោ មកបរិភោគរួចបង្ហោះចូលបណ្តាញសង្គម ធ្វើអោយមានការរិះគន់យ៉ាងខ្លាំង រហូតមកទល់នឹងពេលនេះបុរសតឿខាងលើត្រូវបានសមត្ថកិច្ចនៃស្នងការដ្ឋាននគរបាលខេត្តកណ្តាល ធ្វើការកោះហៅមកអប់រំ និងធ្វើកិច្ចសន្យាអោយបញ្ឈប់សកម្មភាពរបស់ខ្លួនបែបនេះទៀត។

បើតាមការបង្ហោះអោយដឹងនៅលើទំព័រ Facebook លោក ផែង វណ្ណៈ បានបញ្ជាក់ថា៖ “ដឹងច្បាស់​ហើយ​គ្រូតឿមានកំពស់​ ១ម៉ែត្រ​៣តឹក​ ! ទីបំផុត​សមត្ថកិច្ច​នគរបាល​ខេត្ត​កណ្ដាល​ ក្រោមការដឹកនាំ​បញ្ជារបស់​ លោកឧត្ដមសេនីយ៍​ទោ​ឈឿន​ សុចិត្រ​ ស្នងការ​ខេត្ត​បាន​កោះហៅ​គ្រូតឿ​មកវាស់កំពស់​នៅប៉ុស្តិរដ្ឋបាលឃុំ​វិហារ​សួគ៌​ហេីយ​នៅព្រឹក​នេះ​ ដើម្បី​ធ្វើការ​អប់រំ​ និង​ ធ្វើ​កិច្ចសន្យា​បញ្ឈប់​ដេីរធ្វេីរឿងឆ្កួតលីលាបន្តទៀត​ ។”

គួរបញ្ជាក់ផងដែរថា គ្រូតឿរូបនេះមិនត្រឹមតែថតវិដេអូ បរិភោគ លាមកសត្វគោនោះទេ លោកធ្លាប់បានគេស្គាល់តាមរយៈបង្ហោះវិដេអូជាគ្រូមហាកំលាំង កាប់មិនមុតថែមទៀតផង។