ប្រជាជនជប៉ុនជាច្រើនមានចម្ងល់ជាច្រើនអំពីសុខភាពស្បែកក្បាល ឬសក់របស់ពួកគេ ដូចជា តើចាំបាច់ត្រូវកក់សក់រាល់ថ្ងៃដែរឬទេ? តើ​ការ​ដក​សក់​ស្កូវ​នឹងធ្វើឱ្យ​សក់​ស​ដុះលឿនឬ​អត់? និងទទួលទានអ្វីដែលធ្វើឱ្យសក់ស្អាតនិងរឹងមាំជាដើម។ តោះមកស្វែងរកចម្លើយចំពោះសំណួរដែលគេសួរញឹកញាប់ ពីអ្នកឯកទេសសក់ជនជាតិជប៉ុន និងស្វែងយល់ពីវិធីសាស្រ្តផ្សេងៗនៃការព្យាបាល ការថែទាំ និងថែទាំសក់ឱ្យបានត្រឹមត្រូវ៖ 

សំណួរ៖ តើខ្ញុំគួរកក់សក់រាល់ថ្ងៃទេ? ចម្លើយ៖ មិនចាំបាច់កក់សក់រាល់ថ្ងៃទេ ប្រសិនបើអ្នកនៅផ្ទះ ឬមិននៅកន្លែងដែលធ្វើឱ្យសក់របស់អ្នកកខ្វក់។ ប៉ុន្តែ​ប្រសិន​បើ​ចេញ​ក្រៅ​ហើយ​មាន​ញើស ឬ​ធូលី​លើ​សក់ អ្នក​គួរ​កក់​សក់​ដើម្បី​ឲ្យ​សក់​ស្អាត។ ទោះជាយ៉ាងណាក៏ដោយជម្រើសនៃសាប៊ូកក់សក់ត្រូវតែត្រូវបានជ្រើសរើសដោយយោងទៅតាមស្ថានភាពនៃស្បែកក្បាល នឹងការពារស្បែកក្បាលមិនឱ្យស្ងួត និងមិនធ្វើឱ្យស្បែកក្បាលរមាស់ រហូតបង្កទៅជាបញ្ហារលាក។

សំណួរ៖ តើការដកសក់ស្កូវនឹងធ្វើឱ្យដុះសក់ស្កូវមកវិញរឺទេ? ចម្លើយ៖ មិនមានភស្តុតាងដែលថាការដកសក់ស្កូវនឹងពន្លឿនការលូតលាស់សក់ស្កូវទេ។ ប៉ុន្តែ​ការ​ដក​សក់​ស្កូវ​ចេញ​ធ្វើ​ឲ្យ​ខូច​អេពីធីលីយ៉ូម​លើ​ស្បែក​ក្បាល ដូច្នេះ​ហើយ​សក់​ថ្មី​មិន​អាច​ផុស​ចេញ​ពី​ក្រោម​ស្បែក​ឡើយ ទើបបណ្តាលអោយវាលូតលាស់នៅក្រោមស្បែកក្បាល បង្កអោយកើតជាបញ្ហារលាកស្បែកក្បាល។ លើសពីនេះ ការដកសក់ស្កូវម្តងហើយម្តងទៀត នឹងធ្វើឱ្យខូចឫសសក់ ហើយនៅទីបំផុតនាំឱ្យសក់ស្តើង។

សំណួរ៖ តើការទទួលទានសារាយសមុទ្រជួយអោយសក់ដុះក្រាស់រឺទេ? ចម្លើយ៖ ទោះបីសារ៉ាយសមុទ្រសម្បូរទៅដោយសារធាតុរ៉ែដូចជា ស័ង្កសី និងជាតិដែក ដែលជួយឱ្យសក់មានសុខភាពល្អ ប៉ុន្តែ​អ្នក​ក៏​ត្រូវ​ញ៉ាំ​អាហារ​សម្បូរ​ប្រូតេអ៉ីន និង​វីតាមីន ដើម្បី​ពង្រឹង​សក់​។

អត្ថបទ៖ Bee

ប្រភព៖ sanook, yahoo