ទាំងសំឡេង ទាំងរូបសម្បត្តិ បេក្ខជនម្នាក់នេះកំពុងលេចធ្លោខ្លាំងក្នុងកម្មវិធី Cambodian Idol

Cambodian Idol កំពុងក្លាយជាកម្មវិធីដ៏ពេញនិយមសម្រាប់ដើមឆ្នាំ2022 ដែលកំពុងមានការជជែក វែកញឺកជាច្រើនចំពោះបេក្ខជននីមួយៗដែលបានចូលរួមប្រឡង។

បេក្ខជនដ៏មានសមត្ថភាពជាច្រើនបានចេញមកបង្ហាញខ្លួនយ៉ាងគួរឲ្យចាប់អារម្មណ៍ក្នុងវគ្គ Judges Audition នេះជាបន្តបន្ទាប់ ហើយក៏មានបេក្ខជនម្នាក់ដែលកំពុងតែលេចធ្លោមិនធម្មតាឡើយ ។ ដោយសារតែសំឡេងដ៏ក្រអួន រូបសម្បត្តិក៏ទាក់ទាញ បេក្ខជនឈ្មោះ លឹម តិចម៉េង កំពុងតែស្រូបយកប្រជាប្រិយភាពយ៉ាងផុលផុសពេញបណ្តាញសង្គម។

មិនប៉ុន្មានថ្ងៃផង Clip សម្តែងនិងរូបភាពរបស់បេក្ខជនម្នាក់នេះត្រូវបានកើនចំនួនទស្សនារាប់លានដង និងចែកចាយតៗគ្នាយ៉ាងគគ្រែង។

ថ្ងៃអាទិត្យនេះ Cambodian Idol វគ្គ Judge Audition នឹងមកដល់សប្តាហ៍ទី4 ហើយ! តើនឹងមានអ្វីប្លែកទៀត? រង់ចាំទស្សនាបន្តទាំងអស់គ្នានៅលើកញ្ចក់ទូរទស្សន៍ ហង្សមាស HDTV ។