ប្លែកទៀតហើយ! វគ្គនេះ Cambodian Idol ប្រកួតគ្នាលាយបរិយាកាសបែប Gala Dinner តែម្តង!!!

Cambodian Idol កំពុងក្លាយជាកម្មវិធីដ៏ពេញនិយមសម្រាប់ដើមឆ្នាំ2022 ដែលកំពុងមានការជជែក វែកញឺកជាច្រើនចំពោះបេក្ខជននីមួយៗដែលបានចូលរួមប្រឡង។

វគ្គ Theater Round ជុំទី2 ដែលនឹងមកដល់នៅថ្ងៃអាទិត្យយប់នេះ បរិយាសក្នុងការប្រឡងគឺត្រូវ បានរៀបចំឡើងយ៉ាងគួរជាទីទាក់ចិត្តបំផុត គឺមានជាលក្ខណៈ Gala Dinner យ៉ាងប្រណិត នៅជាន់ខ្ពស់បំផុតនៃសណ្ឋាគារ Rosewood Phnom Penh ក្នុងអាគារ Vattanac Capital ។

ហើយបើក្រលេកទៅសម្រស់គណៈកម្មការដែលផេកផ្លូវការរបស់កម្មវិធីបង្ហោះកាលពីព្រឹកមិញនេះ គឺថាសមសួនស្អាតៗឥតខ្ចោះតែម្តងហើយ។

គ្រប់យ៉ាងមើលទៅពិតជាកាន់តែរំភើប និងកាន់តែរំជើបរំជួល រង់ចាំទស្សនាកម្មវិធីប្រឡងចម្រៀង លំដាប់ថ្នាក់ពិភពលោក Cambodian Idol រដូវកាលទី 4 វគ្គ Theater Round ជុំទី2 ថ្ងៃអាទិត្យ ម៉ោង 8:00 យប់នេះ នៅលើកញ្ចក់ទូរទស្សន៍ ហង្សមាស HDTV ៕