(ភ្នំពេញ)៖ ជារឿងមួយគួរឱ្យភ្ញាក់ផ្អើល ក្រោយលោកស្រី ស៊ុន្ទរី នួន ហៅស្រីអូន ដែលជាម្ចាស់ផលិតផលសម្រស់ធម្មជាតិ, ម្ចាស់​ផលិតកម្ម​ រាម ( Ream ) និងជា​ម្ចាស់បុរី​ បុស្បា បានចូលរួមលើកតម្កើងក្នុងវិស័យបវរកញ្ញានៅកម្ពុជា ដោយនៅឆ្នាំនេះ លោកស្រី ស៊ុន្ទរី នួន បានជួយគាំទ្រ Miss Grand កម្ពុជា ឆ្នាំ២០២២ កញ្ញា​ ពេជ្រ​វត្តី​ សារ៉ាវឌ្ឍី​ តាមរយៈការបោះឆ្នោតចំនួន២៥០០សម្លេង ស្មើនឹង២៥០០ដុល្លារអាមេរិក ដើម្បីមានមានឱកាសចូលដល់ Top10 នៅថ្ងៃផ្តាច់ព្រ័ត្រ ក្នុងកម្មវិធីប្រកួត Miss Grand International 2022។

លោកស្រី ស៊ុន្ទរី នួន បានសរសេររៀបរាប់ថា៖ «វត្តីជាបរកញ្ញាដែលនៅក្នុងការចងចាំរបស់ខ្ញុំ ចាំតិចខ្ញុំប្រាប់រឿងពិតគាត់ទៅ Fan របស់វត្តីឥលូវសុំបោះឆ្នោតឱ្យវត្តីសិន។ នាងខ្ញុំស្រីអូន បានធ្វេីការបោះឆ្នោតចំនួន ២៥០០សម្លេង ស្មេីនឹង​២៥០០ដុល្លារ ជូនដល់​បវរកញ្ញា​ Miss Grand Cambodia 2022 កញ្ញា​ ពេជ្រ​វត្តី​ សារ៉ាវឌ្ឍី​ រួចរាល់ហេីយ ព្រោះពិតជារំភេីបជាមួយ​សមត្ថភាព​របស់គាត់ ជាពិសេសគឺ​អត្តចរិត​របស់គាត់តែម្តង គាត់បានធ្លាប់ឆាតមកខ្ញុំសុំចូលរួមទៅធ្វេី​សប្បុរសធម៌​ជាមួយគ្នា ដែលធ្វេីអោយខ្ញុំយល់ថា គាត់គឺពិតជា​សាកសម​ខ្លាំងណាស់ក្នុងការតំណាងប្រទេស​កម្ពុជា​យេីង។ ចាប់តាំងពីឆ្នាំ២០២១មក គាត់សុំខ្ញុំចូលរួមសប្បុរសធម៌ផ្សេងៗ ជាពិសេសគឺចង់ជួយកូនៗរងគ្រោះនៅ អាហ្វេសុីប ខ្លាំងតែម្ដ ទាំងបញ្ជាក់ច្បាស់ៗថាទោះគាត់ខ្សត់ខ្សោយក៏ចង់ជួយសង្គមនេះដែរ។ ត្រង់ចំនុចនេះហេីយដែលនាងខ្ញុំចាប់អារម្មណ៍ វត្តី ខ្លាំងហេីយនៅក្នុងការចងចាំរបស់ខ្ញុំជាច្រេីនពេល។ វត្តីមានបេះដូងល្អពិតៗ រួមគ្នាដេីម្បីខ្មែរ​ ដេីម្បី​សាមគ្គី​ភាពរបស់មហាគ្រួសារ និងដេីម្បីលេីកមុខមាត់ជាតិរបស់ខ្មែរយេីងនៅលេីឆាក​អន្តរជាតិ​ឱ្យកាន់តែខ្ពស់។សូមបងប្អូនទាំងគ្នាចូលរួមផ្តល់ការគាំទ្រនឹងលេីកទឹកចិត្តដល់បវរកញ្ញា​របស់កម្ពុជាយេីងទាំងអស់គ្នា»។

សូមរំលឹកថា កម្មវិធីប្រកួតបវកញ្ញា Miss Grand International ឆ្នាំ២០២២ បានកំពុងប្រព្រឹត្តនៅប្រទេសឥណ្ឌូនេស៊ី ហើយនៅពេលនេះកម្មវិធីក៏បានបើកឱ្យអ្នកគាំទ្របវកញ្ញាដែលតំណាងប្រទេសបោះឆ្នោតក្នុងវេបសាយផ្លូវការរបស់ Miss Grand ដើម្បីរកម្ចាស់ពានរង្វាន់ Miss Popular Vote (បវកញ្ញាដែលជាប់នឹងឡើងទៅ TOP10 ដោយស្វ័យប្រវត្តិ) នៅក្នុងថ្ងៃប្រកួតផ្តាច់ព្រ័ត្រ៕