ខេត្តព្រះសីហនុ៖ កាលពីថ្ងៃទី០៨ ខែមករា ឆ្នាំ២០១៩ ម្សិលមិញនេះ រថភ្លើង​ទំនើប​របស់​ក្រុម​ហ៊ុន​ រ៉ូយ៉ាល់​ រេលវេ​ (Royal Railways) របស់​អ្នក​ឧកញ៉ា​ គិត​ ម៉េង​ បាន​ដឹកពីប្រទេសម៉ិកស៊ិក មកដល់កំពង់ផែស្វយ័តក្រុងព្រះសីហនុហើយ។

រថភ្លើង Tramway ស៊េរីទំនើបចំនួន៣គ្រឿង ត្រូវបានក្រុមហ៊ុន Royal Railway Cambodia ធ្វើការបញ្ជាទិញពីប្រទេសម៉ិកស៊ិក ដើម្បីសម្រាប់ដឹកអ្នកដំណើរពីស្ថានីយរថភ្លើងរាជធានីភ្នំពេញ ឆ្ពោះទៅកាន់អាកាសយានដ្ឋានអន្តរជាតិភ្នំពេញ ព្រោះថា រថភ្លើងទាំង៣គ្រឿងនេះ មានភាពទំនើបជាងរថភ្លើង ដែលកំពុងប្រើប្រាស់នាពេលបច្ចុប្បន្ន ដោយរត់បានល្បឿនលឿនពោលចំណាយពេលត្រឹមតែ ២៥នាទីប៉ុណ្ណោះ ពីស្ថានីយរថភ្លើងរាជធានីភ្នំពេញ ទៅព្រលានយន្តហោះអន្តរជាតិភ្នំពេញ។

ហើយរថភ្លើងស៊េរីថ្មីនេះផងដែរក៏មានបច្ចេកវិទ្យាចុងក្រោយបំផុត ប្រកបដោយសុវត្ថិភាពខ្ពស់ និងទំនើបទាំងទ្វារស្វ័យប្រវត្តិ ,ជណ្តើរ,កៅអី, ម៉ាស៊ីនត្រជាក់,បន្ទប់ទឹក ,កន្លែងដាក់អីវ៉ាន់,ប្រព័ន្ធអ៊ីនធឺណិតWifi ,ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ៕

ប្រភព៖ CNC