ABA ដែលជាធនាគារឌីជីថលឈានមុខមួយនៅកម្ពុជា មានសោមនស្សនឹងប្រកាសដាក់ផលិតផលធានារ៉ាប់រងឌីជីថលដំបូងគេគឺ Manulife សុខសប្បាយ ទៅក្នុងកម្មវិធី ABA Mobile ​របស់ខ្លួន។

Manulife សុខសប្បាយ គឺជាគម្រោងធានារ៉ាប់រងដែលមានតម្លៃសមរម្យ ដែលអតិថិជន ABA អាចទិញពី Manulife បានភ្លាមត្រឹមតែ ១ នាទីប៉ុណ្ណោះ ពីផ្នែក “សេវាកម្ម” ដែលមាននៅលើអេក្រង់ដើមនៃកម្មវិធី ABA Mobile ។​ Manulife សុខសប្បាយ     ផ្តល់ការការពារជូនប្រជាពលរដ្ឋកម្ពុជា​ក្នុងករណីមានគ្រោះថ្នាក់ចរាចរណ៍ និងគ្រោះថ្នាក់ចៃដន្យនានាជាមួយសំណងរហូតដល់ 1 ម៉ឺនដុល្លារ​។​

ការទិញធានារ៉ាប់រងមានភាពសាមញ្ញ និងងាយស្រួល ព្រោះថាអតិថិជនមិនតម្រូវឲ្យធ្វើការពិនិត្យសុខភាពជាមុនឡើយ រីឯការទាមទារសំណងវិញ ក៏អាចធ្វើឡើងបានយ៉ាងងាយស្រួលដូចគ្នាតាមរយៈផ្លែតហ្វម Manulife នៅក្នុង ABA Mobile​។

លោក Askhat Azhikhanov ​នាយកប្រតិបត្តិធនាគារ ABA មានប្រសាសន៍ថា “​ធនាគារពិតជាមានសេចក្ដីរីករាយក្នុងការគាំទ្រដៃគូយុទ្ធសាស្ដ្ររបស់ខ្លួន ​ដោយណែនាំអតិថិជន ABA ​ទៅកាន់ក្រុមហ៊ុន Manulife សម្រាប់ជម្រើសផលិតផលធនាគាររ៉ាប់រងដែលមានតម្លៃសមរម្យ។ ក្នុងនាមជាធនាគារឌីជីថលឈានមុខមួយនៅក្នុងប្រទេស យើងជឿជាក់ទៅលើភាពចាំបាច់នៃការចូលប្រើប្រាស់បានយ៉ាងទូលំទូលាយនៃដំណោះស្រាយហិរញ្ញវត្ថុនានា ។ ហេតុនេះហើយទើបយើងឃើញមានវត្តមានរបស់Manulife ​សុខសប្បាយ នៅក្នុង ABA Mobile ដែលជាផលិតផលធានារ៉ាប់រងមួយមានទំនួលខុសត្រូវសង្គម ដោយផ្ដល់ការការពារហិរញ្ញវត្ថុក្នុងករណីគ្រោះថ្នាក់ចៃដន្យនានា ជាមួយនឹងតម្លៃសមរម្យ និងមិនមានលក្ខខណ្ឌស្មុគស្មាញជូនដល់ប្រជាពលរដ្ឋកម្ពុជា ។ គម្រោង Manulife សុខសប្បាយ ក្លាយជាតម្រូវការចាំបាច់មួយសម្រាប់អ្នកធ្វើដំណើរប្រចាំថ្ងៃ ជាពិសេសអ្នកបើកបរម៉ូតូ ព្រោះថាវាផ្ដល់សុវត្ថិភាពផ្លូវចិត្តដល់ពួកគាត់ និងមនុស្សជាទីស្រលាញ់របស់ពួកគាត់ ក្នុងករណីមានគ្រោះថ្នាក់នៅតាមដងផ្លូវ”។

​លោកបានបន្ថែមថា “ខ្ញុំសូមលើកទឹកចិត្តដល់អតិថិជនរបស់យើងឲ្យទទួលយកការផ្ដល់ជូនដ៏ល្អនេះ ដើម្បីទទួលបានការការពារពីគម្រោង Manulife ​សុខសប្បាយ ​ក្នុងកម្មវិធី ABA Mobile” ។

លោក Justin Helferich នាយកប្រតិបត្តិ និងនាយកចាត់ការទូទៅManulife Cambodia បានមានប្រសាសន៍ថា​ “យើងខ្ញុំជឿជាក់ថា ក្រោមកិច្ចសហការយ៉ាងជិតស្និទ្ធជាមួយធនាគារ ABA​ ដែលជាដៃគូយុទ្ធសាស្ត្ររបស់យើង “Manulife សុខសប្បាយ” នឹងអនុញ្ញាតឲ្យប្រជាពលរដ្ឋកម្ពុជាកាន់តែច្រើនទៀត​ទទួលបាននូវការការពារ​ហិរញ្ញវត្ថុដ៏ត្រឹមត្រូវ ស្របតាមតម្រូវការរបស់​គាត់”។

សូមចូលទៅទំព័រវិបសាយ Manulife ​សុខសប្បាយ ​សម្រាប់ព័ត៌មានបន្ថែមពាក់ព័ន្ធនឹងគម្រោងនេះ។ មានសំណួរ ឬចម្ងល់? សូមទំនាក់ទំនងមកប្រព័ន្ធទូរស័ព្ទឥតគិតថ្លៃ 1 800 203 203 ​(សម្រាប់ការហៅក្នុងប្រទេសកម្ពុជា) ឬលេខទូរស័ព្ទប្រចាំការ​របស់ Manulife 023 965 999

​មិនទាន់មានគណនី ABA? ដោនឡូត ABA Mobile រួចបើកគណនីរហ័ស (តម្រូវឲ្យមានទូរស័ព្ទ និងអត្តសញ្ញាណបណ្ណ)។បន្ទាប់ពីបើករួច អ្នកអាចប្រើគណនីបានភ្លាមៗ ហើយបញ្ចូលទឹកប្រាក់ដោយទទួលប្រាក់ផ្ទេរពីគណនី ABA ដូចគ្នា ឬបាគង, វីងនិងទ្រូម៉ាន់នីជាដើម។