អគ្គិភ័យ ឆាបឆេះឃ្លាំងរថយន្តមួយកន្លែង បណ្ដាលឱ្យខូចខាតរថយន្តចំនួន ០២ គ្រឿង នៅចំណុចឡានដឹកដីភូមិត្នោតជ្រុំ សង្កាត់បឹងទំពុន២

រាជធានីភ្នំពេញ៖ យោងតាមការចុះផ្សាយរបស់ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៅថ្ងៃទី១២ ខែមករា ឆ្នាំ២០២៣ បានឱ្យដឹងថា នៅវេលាម៉ោង ១២៖០០ នាទី រំលងអធ្រាត្រ ថ្ងៃព្រហស្បតិ៍ ៦រោច ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១២ ខែមករា ឆ្នាំ២០២៣ មានករណីអគ្គិភ័យឆេះរថយន្តមួយកន្លែងបានកើតឡើងនៅចំណុចឡានដឹកដី ផ្លូវលេខ៩០BT ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ម្ចាស់ទីតាំងឈ្មោះ សុខ ស្រីពេជ្រ ភេទ ស្រី អាយុ ២៣ឆាំ្ន មុខរបរ ម្ចាស់ឃ្លាំងរថយន្តដឹកដី។

+ មូលហេតុ៖ បណ្ដាលមកពីឆ្លងក្បាលអាគុយរថយន្តបង្កជាអគ្គិភ័យតែម្តង។
– ប្រភេទសំណង់៖ ឃ្លាំងដាក់រថយន្ត ទំហំ ៩ម៉ែត្រ X ២០ម៉ែត្រ ។
– ខូចខាតសម្ភារ៖ ឆេះរថយន្តចំនួន ០២ គ្រឿង នឹងពុំបណ្ដាលអោយឆេះរាលដាលដល់អ្នកក្បែរខាងឡើយ ។
– ស្លាប់មនុស្ស : គ្មាន ។
– របួសមនុស្ស: គ្មាន ។

+ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យអស់ចំនួន ០៣ គ្រឿង ប្រើប្រាស់ទឹកអស់ចំនួន ០៣ រថយន្ត ស្មើរនឹង ១៤ ម៉ែត្រគូប ។
– ពន្លត់ចប់៖ នៅវេលាម៉ោង ១២:២៥ នាទី រំលងអាធ្រាត្រ នាថ្ងៃខែឆ្នាំដដែល ៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ