អបអរសាទរ! កីឡាការិនីទ្រីយ៉ាថ្លុងកម្ពុជា ម៉ហ្គត មរកត ហ្គារ៉ាប៊ីឌៀន បានឈ្នះមេដាយមាស

ខេត្តកែប៖ យោងតាមគណនីតេឡេក្រាមរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចូលរួមអបអរសាទរដល់កីឡាការិនីទ្រីយ៉ាថ្លុងកម្ពុជា ម៉ហ្គត មរកត ហ្គារ៉ាប៊ីឌៀន បានឈ្នះមេដាយមាស លើវិញ្ញាសា អាគ័តថ្លុង (ហែលទឹក និងរត់) ដែលប្រារព្ធធ្វើនៅខេត្តកែប នៅព្រឹកថ្ងៃទី០៦ ខែឧសភា ឆ្នាំ២០២៣នេះ។

នេះជាមេដាយមាសទី៦ ហេីយរបស់កម្ពុជា​ ក្នុងព្រឹត្តិការណ៍​ស៊ីហ្គេម​ឆ្នាំ​២០២៣​ គិត​ត្រឹម​ព្រឹក​ថ្ងៃ​ទី​៦នេះ។ សូមបញ្ជាក់ថា​ រាជរដ្ឋាភិបាលជ្រើសរើសជាទីតាំង ខេត្តកែប សម្រាប់ការប្រកួតកីឡាស៊ីហ្គេម ប្រភេទកីឡាទ្រីយ៉ាថ្លុង ដែលប្រព្រឹត្តទៅចាប់ពីថ្ងៃទី០៦ ដល់ថ្ងៃទី០៨ ខែឧសភា ឆ្នាំ២០២៣ ហើយព្រឹត្តិការណ៍ប្រកួតកីឡាទ្រីយ៉ាថ្លុងនេះ មាននៅឆ្នេរលេងទឹក ផ្លូវផ្សារក្តាម និងផ្លូវ៣៣អា ៕