ថ្វីបើរថយន្តប្រភេទ SUV របស់ Bentley Motors Ltd, ស៊េរីចាស់នៅតែអាចរាប់បានថា ជាប្រភេទរថយន្តប្រណិត ថ្មីៗនេះ Bentley ក៏បានបញ្ចេញនូវរថយន្ត Bentayga Speed ស៊េរីថ្មី ដែលជារថយន្តប្រភេទ SUV ល្បឿនលឿនជាងគេបំផុតរបស់ពិភពលោក លឿនជាង Lamborghini Urus ទៅទៀត។

Bentley Bentayga Speed ថ្មីនេះ មានល្បឿនលឿនបំផុត គឺ 190ម៉ាយ ឬ 305គីឡូម៉ែត្រ ក្នុងមួយម៉ោង វាជាល្បឿនដែលលឿនជាងរថយន្ត Lamborghini Urus (189.5ម៉ាយក្នុងមួយម៉ោង)។ វាប្រើប្រាស់ថាមពលនៃម៉ាស៊ីន twin-turbo (កំណែថ្មី) ទំហំ 6.0លីត្រ W12 ដែលមានកម្លាំង 626សេះ (635PS) និងកម្លាំងបង្វិលជុំ 664lb-ft (900Nm)។ បើប្រៀបធៀបទៅនឹង Bentayga ធម្មតា វ៉ារ្យ៉ង់ល្បឿនរបស់វាគឺច្រើនជាង 26សេះ ប៉ុន្តែមានកម្លាំងបង្វិលជុំដូចគ្នា ហើយសន្ទុះពី 0 ទៅ 62ម៉ាយ (100km/h) ប្រើប្រាស់រយៈពេលតែ 3.9វិនាទីប៉ុណ្ណោះ ដែលវាថយចុះពី 4.1វិនាទីរបស់ស៊េរីមុខ។

អត្ថបទ៖ លីដា
ប្រភព៖ carscoops