ខេត្តកំពង់ធំ៖ យោងតាមការចុះផ្សាយរបស់ រដ្ឋបាលខេត្តកំពង់ធំ បានឱ្យដឹងថា មន្ទីរសុខាភិបាលខេត្តកំពង់ធំ បានសហការជាមួយ សមាគមន៍គ្រូពេទ្យស្ម័គ្រចិត្តខេត្តឃ្យូងសាងប៊ុកដូ នៃសាធារណរដ្ឋកូរ៉េ ដើម្បីរៀបចំកម្មវិធីពិនិត្យព្យាបាលជំងឺទូទៅ ជំងឺមាត់ធ្មេញ ថតឆ្លុះ ក្រពះពោះវៀន រោគស្ត្រី ជំងឺកុមារ ចក្ខុរោគ(ជំងឺភ្នែក) ចាក់ម្ជុលវិជ្ជាសាស្ត្រ ព្រមទាំងពិនិត្យឈាម ជូនបងប្អូនប្រជាពលរដ្ឋ ដោយឥតគិតថ្លៃ។

តាមរយៈកម្មវិធីពិនិត្យព្យាបាលនេះផងដែរ ត្រូវបានធ្វើឡើងរយៈពេល០៣ថ្ងៃ គឺចាប់ពីថ្ងៃទី១១ ខែសីហា ដល់ថ្ងៃទី១៣ ខែសីហា ឆ្នាំ២០២៣ នៅក្នុងមន្ទីរពេទ្យបង្អែកខេត្តកំពង់ធំតាមកម្មវិធីដូចខាងក្រោម៖

+ថ្ងៃទី១១ ខែសីហា ឆ្នាំ២០២៣ ចាប់ពីម៉ោង១០:០០ព្រឹក ដល់ម៉ោង១៧:០០ល្ងាច៖ ធ្វើការពិនិត្យព្យាបាលជំងឺជូនពុកម៉ែ បងប្អូនប្រជាពលរដ្ឋទូទៅ។

+ថ្ងៃទី១២ ខែសីហា ឆ្នាំ២០២៣ ចាប់ពីម៉ោង០៧:៣០ព្រឹក ដល់ម៉ោង១៧:០០ល្ងាច៖ ធ្វើការពិនិត្យព្យាបាលជំងឺជូនពុកម៉ែ បងប្អូនប្រជាពលរដ្ឋទូទៅ។

+ថ្ងៃទី១៣ ខែសីហា ឆ្នាំ២០២៣ ចាប់ពីម៉ោង០៧:៣០ព្រឹក ដល់ម៉ោង១២:០០ថ្ងៃត្រង់៖ ធ្វើការពិនិត្យព្យាបាលជំងឺជូនបងប្អូនដែលជាមន្ត្រីរាជការ និងកងកំលាំងព្រមទាំងក្រុមគ្រួសារ។

អាស្រ័យហេតុនេះសូម ឯកឧត្តម លោកជំទាវ លោក លោកស្រី មន្ត្រីរាជការ ពុកម៉ែ បងប្អូន ប្រជាពលរដ្ឋមេត្តារួសរាន់អញ្ជើញមកទទួលសេវាពិនិត្យព្យាបាលនេះអោយបានគ្រប់ៗគ្នាកុំបីខាន។

បញ្ជាក់៖ រាល់ការមកទទួលសេវា ពិនិត្យ និងព្យាបាលនេះគឺមិនតម្រូវឲ្យបង់ប្រាក់ទេ ៕

ប្រភព៖ រដ្ឋបាល ខេត្តកំពង់ធំ