រថយន្តទាំង១០ស៊េរី ដែលមានម៉ាស៊ីនល្អបំផុតក្នុងឆ្នាំ២០១៩

អង្គការ WardsAuto ថ្មីៗនេះ បានចេញផ្សាយនូវម៉ាស៊ីនរថយន្តល្អបំផុតទាំង ១០ លើក ទី២៥ នៅទូទាំងពិភពលោក។ ជាធម្មតាការវាយតម្លៃនឹងមានទៅលើទាំងរថយន្តប្រភេទម៉ាស៊ីនម៉ាស៊ូត រថយន្តអគ្គិសនី និងរថយន្តប្រភេទឥន្ធនៈ -ល-។ ឆ្នាំ២០១៩ នេះក៏វាមិនខុសពីឆ្នាំមុនដែរ ដែលរថយន្តនឹងត្រូវបានវាយតម្លៃយ៉ាងយកចិត្តទុកដាក់ និងស្របតាមស្តង់ដារជាទីបំផុតបំផុត។ យ៉ាងណាមិញអត្ថបទនេះនឹងបង្ហាញអស់លោកអ្នកពីម៉ាស៊ីនរថយន្តដ៏ល្អបំផុតទាំង ១០ របស់ពីភពលោក វាយតម្លៃដោយ WardsAuto៖

១. ម៉ាស៊ីនស៊ីឡាំង 6 (ជាជួរ), ទំហំចំណុះ 3.0លីត្រ turbocharged, DOHC នៅក្នុងរថយន្ត BMW X5

ម៉ាស៊ីន B58 ស៊ីឡាំង 6ជួរ របស់ BMW នេះទទួលបានកោតសរសើរមិនដាច់ពីមាត់ សម្រាប់ប្រព័ន្ធដំណើរការរលូន និងប្រព័ន្ធចាប់ផ្តើម/បញ្ឈប់ របស់វា។ វាក៏បានឈ្នះឆ្នោត សម្រាប់ ឆ្នាំ២០១៦ និង ២០១៧ ផងដែរ។

២. ម៉ាស៊ីនទំហំចំណុះ 6.2លីត្រ OHV V8 ជាមួយនឹងការគ្រប់គ្រងប្រេងឥន្ធនៈដ៏អស្ចារ្យរបស់ Chevrolet Silverado

ម៉ាស៊ីន V8 របស់ GM បានឈ្នះការកោតសរសើរពីប្រព័ន្ធគ្រប់គ្រងប្រេងឥន្ធនៈរបស់វា ដែលអាចបិទស៊ីឡាំង (មិនចាំបាច់) មិនឱ្យស៊ីប្រេងឥន្ធនៈ ដែលធ្វើឱ្យមានការកាត់បន្ថយការប្រើប្រាស់ប្រេងបានខ្ពស់។

៣. ម៉ាស៊ីនចំណុះ 5.០លីត្រ, DOHC, V8 ដែលមាននៅក្នុង Ford Mustang GT/Bullitt

ម៉ាស៊ីន Bullitt របស់វា គឺមានកម្លាំង 480សេះ និងប្រើប្រាស់តែ 20hp ទៅលើប្រភេទ GT ប៉ុន្តែចំពោះនៅលើផ្លូវថ្នល់វិញ Bullitt នឹងបង្ហាញឱ្យឃើញពីភាពយកចិត្តទុកដាក់ និងបង្ហាញពីកម្លាំងដ៏ខ្លាំងរបស់វា។

៤. ម៉ាស៊ីនចំណុះ 3.0លីត្រ, DOHC, turbodiesel V6 មានក្នុង Ford F-150

ម៉ាស៊ីន PowerStroke V-6 នេះបានធ្វើឱ្យ Ford F-150 ទទួលបានការកោតសរសើរ ដោយសារកម្លាំងដ៏ខ្លាំង និងការសន្សំសំចៃប្រេង ដោយស៊ីប្រេងឥន្ធនៈតែ 9លីត្រ/100គីឡូម៉ែត្រ។

៥. ម៉ាស៊ីនចំណុះ 2.0លីត្រ, Atkinson-cycle i-VTEC ស៊ីឡាំង 4ជួរ ជាមួយនឹងការរួមបញ្ចូលប្រព័ន្ធដ្រាយកូនកាត់អគ្គិសនី មាននៅក្នុង Honda Accord Hybrid

ជាប្រភេទម៉ាស៊ីន mid-range និងកម្លាំងបង្វិលជុំដ៏អស្ចារ្យ សម្រាប់ចរាចរណ៍រុករករបស់លោកអ្នក។ វានឹងធ្វើឱ្យអ្នកមានអារម្មណ៍ថា ដូចជារថយន្តស្ព័រនៅក្នុង sport mode របស់វា។

៦. ម៉ាស៊ីនប្រេងកម្លាំង 120-kW ជាមួយនឹងប្រព័ន្ធដឹកជញ្ជូនអគ្គិសនី មាននៅក្នុង Hyundai Nexo

បើយោងតាម WardsAuto Nexo ទទួលបានការសរសើរ សម្រាប់រូបរាងទាន់សម័យ និងអារម្មណ៍ «បើកបរដ៏អស្ចារ្យ» របស់វា។

៧. ប្រព័ន្ធថាមពលអគ្គិសនី 150 kW របស់ Hyundai Kona EV

WardsAuto បានសរសើរ Kona EV សម្រាប់ភាពល្អប្រសើរស្រដៀងនឹង Tesla ដែលសាកថ្មម្តងជិះបាន 258ម៉ាយ និងការបង្កើនល្បឿនដ៏ខ្លាំងក្លារបស់វា។

៨.​ ម៉ាស៊ីនចំណុះ 2.0លីត្រ, DOHC, variable-compression, turbocharged, ស៊ីឡាំង 4ជួរ មាននៅក្នុង Infiniti QX50

អ្នកនឹងមានការភ្ញាក់ផ្អើលចំពោះម៉ាស៊ីន QX50 ដែលមានរូបរាងតូច ប៉ុន្តែកម្លាំងរបស់វាគឺមិនចាញ់ម៉ាស៊ីនធំៗនោះឡើយ។

៩. ម៉ាស៊ីនចំណុះ 2.0, Atkinson-cycle, ស៊ីឡាំង 4ជួរ ជាមួយនឹងប្រព័ន្ធដ្រាយអគ្គីសនីកូនកាត់ មាននៅក្នុង Lexus UX 250h

ក្នុងអំឡុងពេល ១៨ឆ្នាំ មកនេះ ក្រុមហ៊ុនតូយ៉ូតាបានក្លាយជាអ្នកនាំមុខក្នុងសមរភូម់ិម៉ាស៊ីនកូនកាត់។ ជាក់ស្តែង Lexus UX 250h ជាជោគជ័យមួយក្នុងចំណោមជោគជ័យជាច្រើន ហើយម៉ាស៊ីនកូនកាត់របស់វានឹងធ្វើឱ្យការបើកបររបស់លោកអ្នកមានសំឡេងស្ងាត់ និងកម្លាំងខ្លាំង។

១០. ម៉ាស៊ីនចំណុះ 3.6លីត្រ, DOHC, V6 ជាមួយនឹងជំនួយកូនកាត់ ដែលមាននៅក្នុង RAM 1500

ជាមួយនឹងម៉ាស៊ីនប្រេង និងម៉ាស៊ីនជំនួយធ្វើការយ៉ាងល្អជាមួយគ្នា ធ្វើឱ្យ RAM 1500 បើកបរប្រកបដោយភាពជឿជាក់ និងសន្សំប្រេងបានយ៉ាងល្អបំផុត។

អត្ថបទ៖ លីដា
ប្រភព៖ businessinsider