ព្យុះកំបុតត្បូងសម្លាប់មនុស្ស ១៤នាក់ និងបង្កការខូចខាតទ្រព្យសម្បត្តិជាច្រើន ក្នុងរដ្ឋ Alabama អាមេរិក

យ៉ាងហោចណាស់មនុស្ស ១៤នាក់ បានស្លាប់នៅក្នុងភាគអាគ្នេយ៍នៃ Alabama កាលពីថ្ងៃអាទិត្យ ខណៈដែលខ្យល់ព្យុះមួយបានវាយប្រហារមកកាន់រដ្ឋមួយនេះ។ ការស្លាប់នេះគឺស្ថិតនៅក្នុងតំបន់ Lee County ដែលមានចំងាយប្រហែល ៦០ម៉ាយ ភាគឦសាននៃទីក្រុង Montgomery របស់រដ្ឋ Alabama ហើយចំនួនអ្នកស្លាប់ត្រូវគេរំពឹងថានឹងកើនឡើង។ នេះបើយោងតាមក្រុមមន្ត្រីបានរាការណ៍ឱ្យ The Associated Press។

ក្រុមមន្ត្រីសង្គ្រោះបន្ទាន់មិនបានចេញសេចក្តីលម្អិតអំពីជនរងគ្រោះនោះទេ ប៉ុន្តែភ្នាក់ងារគ្រប់គ្រងគ្រោះមហន្តរាយនៅ Lee County បាននិយាយថា ការខូចខាតនេះបានកើតឡើងដំបូងនៅក្បែរទីក្រុង Beauregard រដ្ឋ Alabama ដែលយ៉ាងហោចណាស់មានមនុស្ស ២នាក់ បានស្លាប់។ យ៉ាងណាក៏ដោយក្រុមមន្ត្រីក៏បានចូលរួមរំលែកទុក្ខគ្រួសារសព និងកំពុងបន្តការជួយសង្គ្រោះ៕

https://youtu.be/dMRIBoB690Q

អត្ថបទ៖ លីដា
ប្រភព៖ abcnews