(ថៃ)៖ យោងតាមការចុះផ្សាយរបស់ ទីភ្នាក់ងារសារព័ត៌មានកម្ពុជា
បានឱ្យដឹងថា កីឡាការិនី កាំង មុយនីន បានឈ្នះមេដាយមាសមួយគ្រឿង លើវិញ្ញាសា 100m Bifins និងកីឡាការិនី ឃឺន ប៊ុនពេជ្រមរកត បានឈ្នះមេដាយសំរឹទ្ធមួយគ្រឿង លើវិញ្ញាសាដូចគ្នា ក្នុងការប្រកួត Asian Fin Swimming Championships នៅប្រទេសថៃ នាព្រឹកថ្ងៃទី២៥ ខែវិច្ឆិកា ឆ្នាំ២០២៣នេះ។

សូមជម្រាបជូនថា សហព័ន្ធខ្មែរកីឡាហែលទឹកបានចាត់បញ្ជូនគ្រូ​បង្វឹក​ និង​កីឡាករ​ កីឡាការិនី​ FIN Swimming ចំនួន​ ០៥នាក់ ទៅចូល​រួម​ការ​ប្រកួត​ 18th ASIAN Finswimming Championships 2023 តបតាមការអញ្ជើញរបស់សមាគម​កីឡា​ក្រោម​ទឹក​ នៃ​ព្រះរាជាណាចក្រ​ថៃ​ (Association of Thailand Underwater Sports) ដែល​នឹង​ប្រព្រឹត្ត​ទៅ​ចាប់​ពី​ថ្ងៃ​ទី​២៤​ ដល់​ថ្ងៃ​ទី២៨​ ខែវិច្ឆិកា​ ឆ្នាំ​២០២៣​ នៅ​ខេត្ត​ភូកេត​ នៃ​ព្រះរាជាណាចក្រ​ថៃ។

សម្រាប់​សមាសភាព​គ្រូ​បង្វឹក​ និង​កីឡាករ​ កីឡាការិនី​រួម​មាន​៖
-​ គ្រូ​បង្វឹក​ ហែមថុន​ វិទិនី​
-​ កីឡាការិនី​ កាំង​ មុយ​នីន​
-​ កីឡាការិនី​ ឃឺន​ ប៊ុនពេជ្រ​មរកត​
-​ កីឡាករ​ ទួន​ ទិត្យ​សត្យា​
-​ កីឡាករ​ លឹម​ សុខ​វឌ្ឍន៍នន្ទ ៕

ប្រភព៖ ទីភ្នាក់ងារសារព័ត៌មានកម្ពុជា – AKP