សហព័ន្ធពាណិជ្ជកម្មហ៊ូណាន គ្រោងនឹងរៀបចំដំណើរទស្សនកិច្ចធុរកិច្ចទៅកាន់កម្ពុជា ដើម្បីស្វែងរកកាលានុវត្តភាពវិនិយោគថ្មីៗ

អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា នាថ្ងៃទី១៣ ខែឧសភា ឆ្នាំ២០២៦នេះ បានអញ្ជើញជួបសម្ដែងការគួរសម និងពិភាក្សាការងារជាមួយសហព័ន្ធពាណិជ្ជកម្មហ៊ូណាន។

ក្នុងឱកាសនៃជំនួបនេះ អ្នកឧកញ៉ា លី ឃុនថៃ បានលើកឡើងនូវសក្តានុពលថ្មីៗ ក្រោមការដឹកនាំដ៏វាងវៃរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយរួមមានទាំង វិស័យពាណិជ្ជកម្ម ឧស្សាហកម្ម កសិកម្ម និងទេសចរណ៍។

ក្នុងឱកាសនេះអ្នកឧកញ៉ាក៏បានអញ្ជើញប្រធាន និងសមាជិកសហព័ន្ធពាណិជ្ជកម្មហ៊ូណានទៅទស្សនកិច្ចនៅកម្ពុជាផងដែរ។ ជាការឆ្លើយតបសហព័ន្ធពាណិជ្ជកម្មហ៊ូណានគ្រោងនឹងរៀបចំដំណើរទស្សនកិច្ចធុរកិច្ចទៅកាន់កម្ពុជា ដើម្បីស្វែងរកកាលានុវត្តភាពវិនិយោគថ្មីៗបន្ថែមទៀត។

ជាទីបញ្ចប់, អ្នកឧកញ៉ា លី ឃុនថៃ ប្រកាសស្វាគមន៍យ៉ាងកក់ក្ដៅចំពោះអ្នកវិនិយោគចិន និងប្ដេជ្ញាជំរុញបន្ថែមទៀតឲ្យវិនិយោគិនចិនពិនិត្យលទ្ធភាពទៅបណ្ដាក់ទុននៅប្រទេសកម្ពុជា។

ប្រភព ក្រសួងព័ត៍មាន