រាជធានីភ្នំពេញ៖ នៅថ្ងៃទី០៥ ខែមិថុនា ឆ្នាំ២០២៤ យោងតាមការចុះផ្សាយរបស់ រដ្ឋបាលខណ្ឌចំការមន សូមជម្រាបជូនដល់សាធារណជន សិស្ស និស្សិត ឱ្យបានជ្រាបថា រដ្ឋបាលខណ្ឌ ត្រូវការជ្រើសរើសមន្ត្រីជាប់កិច្ចសន្យា ចំនួន ១១រូប ដើម្បីចូលបម្រើការងារនៅរដ្ឋបាលខណ្ឌចំការមន ចាប់ពីខែកក្កដា ឆ្នាំ២០២៤ នេះតទៅ។

តម្រូវការមន្ត្រីជាប់កិច្ចសន្យាសម្រាប់បម្រើការងារ៖
១- ការិយាល័យរដ្ឋបាល និងបុគ្គលិក ចំនួន ២ រូប
២- ការិយាល័យផែនការ និងហិរញ្ញវត្ថុ ចំនួន ២ រូប
៣- អង្គភាពលទ្ធកម្ម ចំនួន ១ រូប
៤- សណ្តាប់ធ្នាប់ខណ្ឌ ចំនួន ៦ រូប

លក្ខខណ្ឌនៃការជ្រើសរើស

១- បេក្ខជនទាំងពីរភេទ ត្រូវមានសញ្ជាតិខ្មែរ អាយុចាប់ពី ១៨ឆ្នាំឡើងទៅ
២- មានកាយសម្បទាគ្រប់គ្រាន់ និងមានសុខភាពល្អ
៣- មានភាពអត់ធ្មត់ ឧស្សាហ៍ព្យាយាម និងមានឆន្ទៈក្នុងការបំពេញការងារ
៤- មានសុជីវធម៌ល្អ គោរពគ្នាទៅវិញទៅមក អត្តចរិតល្អ រួសរាយរាក់ទាក់និងស្លូតត្រង់
៥- មានគំនិតផ្តួចផ្តើម ច្នៃប្រឌិត និងទទួលយកការបណ្តុះបណ្តាលចំណេះដឹងថ្មីៗបន្ថែម
៦- មានសញ្ញាបត្រទុតិយភូមិឡើងទៅ សម្រាប់បេក្ខជនមានបំណងបម្រើការងារនៅការិយាល័យ រដ្ឋបាល និងបុគ្គលិក, ការិយាល័យផែនការ និងហិរញ្ញវត្ថុ ឬ អង្គភាពលទ្ធកម្ម។

បញ្ជាក់៖ ទីកន្លែងទទួល និងដាក់ពាក្យ៖ ការិយាល័យរដ្ឋបាល និងបុគ្គលិក (រៀងរាល់ម៉ោងធ្វើការ) កាលបរិច្ឆេទ៖ ចាប់ពីថ្ងៃជូនដំណឹង រហូតដល់ថ្ងៃទី១៤ ខែមិថុនា ឆ្នាំ២០២៤។ ព័ត៌មានបន្ថែម៖ តាមរយៈលោក គង់ ថារិទ្ធ ០១១ ៩០៩ ៦០៤ ៕

ប្រភព៖ រដ្ឋបាលខណ្ឌចំការមន