កុំចេះតែហ៊ាន! បុរសម្នាក់ដែលយកស្បែកជើងវាយក្រដាសប្រាក់៥០០រៀល ហើយប្រមា_ថព្រះមហាក្សត្របង្ហោះតាមបណ្តាញសង្គមតិកតុក ត្រូវបានសមត្ថកិច្ចឃាត់ខ្លួនហើយ
(ភ្នំពេញ)៖ អធិការដ្ឋាននគរបាលខណ្ឌមានជ័យ ឃាត់ខ្លួនជនសង្ស័យម្នាក់ ពាក់ព័ន្ធករណីប្រមាថចំពោះអង្គព្រះមហាក្សត្រ នៅចំណុចស្តុបអាងទឹកអូឡាំពិក សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ កាលពីថ្ងៃទី១៥ ខែកក្កដា ឆ្នាំ២០២៤ វេលាម៉ោងប្រហែល០៨និង០០នាទីព្រឹក។ ជនសង្សយ័ឈ្មោះ អ៊ុក ភក្តី ភេទប្រុស អាយុ ៤០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ (ឃាត់ខ្លួន មានផ្ទុកសារធាតុញៀន) ។
កាលពីវេលាម៉ោងប្រហែល០៨និង០០នាទី ថ្ងៃទី១៥ ខែកក្កដាឆ្នាំ២០២៤ ជនសង្ស័យឈ្មោះ អ៊ុក ភក្តី ភេទប្រុស អាយុ៤០ឆ្នាំ បានចេញពីផ្ទះនៅចំណុចផ្ទះជួល ផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ជិះម៉ូតូស៊េរីចាស់មួយគ្រឿងមិនចាំម៉ាកឈប់នៅចំណុចស្តុបអាងទឹកអូឡាំពិក សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ (កន្លែងកើតហេតុ) បានធ្វើសកម្មភាពយកលុយក្រដាស៥០០រៀលលើកឡើងលើ រួចយកស្បែកជើងវាយលើក្រដាសប្រាក់ និងជេរប្រមាថចំពោះអង្គព្រះមហាក្សត្រនៅចំណុចកើតហេតុខាងលើ ដោយមូលហេតុខឹងព្រះមហាក្សត្រមិនបានដោះស្រាយបញ្ហាឲ្យខ្លួនរួចក៏ជិះគេចខ្លួនចេញទៅសម្ងំក្នុងផ្ទះ លុះមកដល់ថ្ងៃទី១៧ ខែកក្កដា ឆ្នាំ២០២៤ វេលាម៉ោង ១៨និង០០នាទី ជនសង្ស័យខាងលើបានស្រែកឡូឡាតាមផ្លូវនៅចំណុចផ្លូវ២១៧ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ខណៈនោះកម្លាំងសមត្ថកិច្ចប៉ុស្តិ៍នគរបាលស្ទឹងមានជ័យទី២ កំពុងល្បាតក្បែរនោះធ្វើការឃាត់ខ្លួនសាកសួរតែម្តង។ បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕ ប្រភព៖ ស្នងការដ្ឋាននគរបាលរាជធានីភ្នំពេញ
