ជិះកង់ម្នាក់ឯង ២ខែ! លោក ទីវ តារារិទ្ធ កៀរគរថវិកាបានប្រមាណជាង ១ម៉ឺន ៥ពាន់ដុល្លារអាម៉េរិក

រាជធានីភ្នំពេញ៖ នៅថ្ងៃទី០៨ ខែសីហា ឆ្នាំ២០២៤ យោងតាមការចុះផ្សាយរបស់ មូលនិធិគន្ធបុប្ផាកម្ពុជា បានឱ្យដឹងថា លោក ទីវ តារារិទ្ធ ក្នុងដំណើរជិះកង់ម្នាក់ឯងពីប្រទេសកម្ពុជា ទៅកាន់ប្រទេសក្នុងតំបន់អ៊ឺរ៉ុប ដោយគ្រោងប្រើពេល ១ឆ្នាំពេញ ពេលនេះលោកបានទៅដល់ប្រទេសនេប៉ាល់ហើយ។ ក្នុងរយៈពេល ២ខែ (មិថុនា-សីហា) នៃឆ្នាំ២០២៤, យុទ្ធនាការនៃការជិះកង់តែម្នាក់នេះ កៀរគរបានថវិកាចំនួន ១ម៉ឺន ៥ពាន់ដុល្លារអាម៉េរិកហើយ ដើម្បីជួយដល់កុមារកម្ពុជា។

មូលនិធិគន្ធបុប្ផាកម្ពុជា សូមថ្លែងអំណរគុណដល់សប្បុរសជនទាំងអស់ដែលបានចូលរួមបរិច្ចាគក្នុងយុទ្ធនាការនេះ និងពេលកន្លងមក។ សូមស្កេន QR CODE ខាងលើដើម្បីចូលរួមជាមួយយុទ្ធនាការជិះកង់ពីប្រទេសកម្ពុជា ទៅកាន់ប្រទេសក្នុងតំបន់អ៊ឺរ៉ុបរបស់ លោក ទីវ ដារ៉ារិទ្ធ Travel with Rith—ធ្វើដំណើរជាមួយរិទ្ធិ ៕

ប្រភព៖ មូលនិធិគន្ធបុប្ផាកម្ពុជា – Cambodia Kantha Bopha Foundation