រាជធានីភ្នំពេញ៖ យោងតាមការចុះផ្សាយរបស់ ទូរទស្សន៍ជាតិកម្ពុជា ទទក បានឱ្យដឹងថា កញ្ញា Andrea Rubio ជនជាតិវេនេស៊ុយអេឡា ដែលជាបវរកញ្ញាអន្តរជាតិឆ្នាំ២០២៣ (Miss International 2023) បានអញ្ជើញមកដល់ព្រលានយន្តហោះអន្តរជាតិភ្នំពេញ នៅយប់ថ្ងៃទី២៨ ខែសីហា ឆ្នាំ២០២៤ ដើម្បីចូលរួមក្នុងរាត្រីផ្តាច់ព្រ័ត្រ នៃការប្រកួតបវរកញ្ញាកម្ពុជាឆ្នាំ២០២៤ (Miss Cambodia 2024) វគ្គផ្តាច់ព្រ័ត្រដែលនឹងប្រព្រឹត្តទៅនៅល្ងាចថ្ងៃទី៣០ ខែសីហា ឆ្នាំ២០២៤ នៅស្ថានីយ៍ទូរទស្សន៍ភីអិនអិន ព្រែកព្នៅ រាជធានីភ្នំពេញ ។

តាមកម្មវិធីដែលបានគ្រោងទុក កញ្ញា Andrea Rubio Miss International 2023 នឹងធ្វើដំណើរទស្សនកិច្ចតំបន់ទេសចរណ៍សំខាន់ៗ ជុំវិញរាជធានីភ្នំពេញ ដើម្បីបង្កើនអនុស្សាវីរយ៍ល្អៗ ភាពស្និទ្ធស្នាល និងឈ្វេងយល់ពីវប្បធម៌ អរិយធម៌ និងការរស់នៅរបស់ប្រជាជនកម្ពុជា រួមទាំងការថតបង្ហាញម៉ូដគ្រឿងពេជ្រដ៏ប្រណិតរបស់ហាងពេជ្រ CSNJ របស់លោកឧកញ៉ា ចិន សំណាង ម្ចាស់ហាងពេជ្រ CSNJ ផងដែរ ៕

ប្រភព៖ ទូរទស្សន៍ជាតិកម្ពុជា ទទក