ព័ត៌មានជាតិ

ចម្លាក់ក្រឡោតទាបនៅប្រាសាទបាយ័នបង្ហាញគ្រប់សកម្មភាពនៅសម័យអង្គរ ដ៏រុងរឿង

BY: Khmernote Media

: August 31, 2024

ខេត្តសៀមរាប៖ នៅថ្ងៃទី៣១ ខែសីហា ឆ្នាំ២០២៤ យោងតាមការចុះផ្សាយរបស់ អាជ្ញាធរជាតិអប្សរា បានឱ្យដឹងថា ប្រាសាទបាយ័ន កសាងនៅក្នុងរាជព្រះបាទជ័យវរ្ម័នទី៧ ទម្រង់ជាប្រាសាទភ្នំ មានប្រាង្គចំនួន៥៤ ដែលប្រាង្គនីមួយៗមានរូបចម្លាក់ព្រហ្មមុខ៤ ខុសប្លែកពីប្រាសាទផ្សេងៗ ទាក់ទាញភ្ញៀវទេសចរមកទស្សនាមិនរំលង។

ក្រៅពីសំណង់ស្ថាបត្យកម្មដ៏ពិសេសប្លែក នៃប្រាសាទបាយ័ន ភ្ញៀវទេសចរជាតិ និងអន្តរជាតិ បានទស្សនាស្វែងយល់កាន់តែច្បាស់ពីការធ្វើសឹកសង្គ្រាម របៀបរស់នៅប្រជាជន សេវាសាធារណៈ ការកសាងប្រាសាទ ល្បែងកម្សាន្ត ព្រះរាជកិច្ចព្រះមហាក្សត្រ និងការគោរពប្រតិបត្តិជំនឿរសាសនានៅតាមរយៈចម្លាក់ក្រឡោតទាបនៅតាមជញ្ជាំងនៃថែវប្រាសាទ ក្នុងរាជ្ជកាលព្រះបាទជ័យវរ្ម័នទី៧៕