សមត្ថកិច្ចឃាត់បានមធ្យោបាយបញ្ជ្រាស់ ម៉ូតូសរុប ០៩ គ្រឿងយកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ ដើម្បីធ្វើកិច្ចសន្យាអប់រំណែនាំ ដោយពុំមានការផាកពិន័យឡើយ

(រាជធានីភ្នំពេញ)៖ នៅព្រឹកថ្ងៃទី ៤ ខែមីនា ឆ្នាំ ២០២៥ សាលាសង្កាតស្ទឹងមានជ័យ បានឱ្យដឹងថា សមត្ថកិច្ចឃាត់បានមធ្យោបាយបញ្ជ្រាស់ ម៉ូតូសរុប ០៩ គ្រឿងយកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ ដើម្បីធ្វើកិច្ចសន្យាអប់រំណែនាំ ដោយពុំមានការផាកពិន័យឡើយ។

តាមការបញ្ជា់បន្ថែមរបស់ សាលាសង្កាតស្ទឹងមានជ័យ បានឱ្យដឹងថា នៅវេលាម៉ោង ៦:៣០នាទីព្រឹក ថ្ងៃទី ០៤ ខែមីនា ឆ្នាំ ២០២៥ នេះ កម្លាំងប៉ុស្ដិ៍នគរបាលរដ្ឋបាលស្ទឹងមានជ័យទី១ សហការជាមួយកម្លាំង គណបញ្ជាការឯកភាពខណ្ឌមានជ័យ និង សង្កាត់ស្ទឹងមានជ័យទី១ ដឹកនាំដោយ លោក ជា សារ៉េត ចៅសង្កាត់ស្ទឹងមានជ័យទី១ បានធ្វើការអនុវត្តន៍ ច្បាប់ចរាចរណ៍ចំពោះអ្នកជិះបញ្រ្ចាសទិស នៅលើកំណាត់ផ្លូវ ២១៧ សង្កាត់ស្ទឹងមានជ័យទី១ ។

ជាលទ្ធផល កម្លាំងប៉ុស្ដិ៍នគរបាលរដ្ឋបាលស្ទឹងមានជ័យទី១ ឃាត់បានមធ្យោបាយបញ្ជ្រាស់ មានម៉ូតូចំនួនសរុប ០៩ គ្រឿងយកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ ដើម្បីធ្វើកិច្ចសន្យាអប់រំណែនាំ ដោយពុំមានការផាកពិន័យឡើយ ៕

ប្រភព៖ សាលាសង្កាតស្ទឹងមានជ័យ