អគ្គិសនីកម្ពុជា បានអះអាងថា កម្ពុជាពុំមានការនាំអគ្គិសនីពីប្រទេសថៃមកផ្គត់ផ្គង់ឱ្យតំបន់ណាមួយនោះទេ

នៅថ្ងៃទី ២៥ ខែមិថុនា ឆ្នាំ ២០២៥ នេះ អគ្គិសនីកម្ពុជា បានចេញសេចក្តីប្រកាស ស្តីពីកម្ពុជាពុំមានការនាំចូលថាមពលអគ្គិសនី ពីព្រះរាជាណាចក្រថៃ មកផ្គត់ផ្គង់នៅតាមតំបន់ណាមួយ ក្នុងព្រះរាជាណាចក្រកម្ពុជា។

ក្នុងនោះ អគ្គិសនីកម្ពុជា បានប្រកាសថា អគ្គិសនីកម្ពុជា មានកិត្តិយសសូមជម្រាបជូនសម្តេច ទ្រង់ ឯកឧត្តម លោកជំទាវ លោក លោកស្រី សាធារណជនជាតិ និងអន្តរជាតិ មេត្តាជ្រាបថា បច្ចុប្បន្នព្រះរាជាណាចក្រកម្ពុជាពុំមានការនាំចូលថាមពល អគ្គិសនីពីព្រះរាជាណាចក្រថៃ មកផ្គត់ផ្គង់នៅតាមតំបន់ណាមួយឡើយ។ អគ្គិសនីកម្ពុជា សូមបដិសេធ ចំពោះការលើកឡើងនានាដែលផ្ទុយពីការពិតខាងលើ។

អាស្រ័យហេតុនេះ សូមសម្តេច ទ្រង់ ឯកឧត្តម លោកជំទាវ លោក លោកស្រី សាធារណជនជាតិ និង អន្តរជាតិទាំងអស់ មេត្តាជ្រាបជាព័ត៌មាន៕

ប្រភព៖ អគ្គិសនីកម្ពុជា