នាយកដ្ឋានប្រយុទ្ធនឹងជំងឺឆ្លង ៖ មិនមានភស្តុតាងណាមួយ ដែលបញ្ជាក់ថាវ៉ាក់សាំង COVID-19 អាចបង្កជំងឺមហារីកនោះទេ

(រាជធានីភ្នំពេញ)៖ យោងទៅតាមការចុះផ្សាយរបស់ នាយកដ្ឋានប្រយុទ្ធនឹងជំងឺឆ្លង CDC នៅរសៀលថ្ងៃទី ៤ ខែតុលា ឆ្នាំ ២០២៥ បានបញ្ជាក់ថា មិនមានភ័ស្តុតាងណាមួយ ដែលបញ្ជាក់ថាវ៉ាក់សាំង COVID-19 អាចបង្កជំងឺមហារីកនោះទេ។

ដោយ នាយកដ្ឋានប្រយុទ្ធនឹងជំងឺឆ្លង CDC បានបន្ថែមទៀតថា មិនមានភ័ស្តុតាងណាមួយដែលថាវ៉ាក់សាំង COVID-19 អាចបង្កជំងឺមហារីកនោះទេ ។ អង្គការវេជ្ជសាស្ត្រ និង សមាគមន៍មហារីកធំៗ រួមទាំងអង្គការសុខភាពពិភពលោក (WHO) ទីភ្នាក់ងារអន្តរជាតិសម្រាប់ការស្រាវជ្រាវលើ ជំងឺមហារីក (IARC) វិទ្យាស្ថានមហារីកជាតិរបស់សហ រដ្ឋអាមេរិក និងសមាគមជំងឺមហារីកអាមេរិក បាននិយាយ ម្តងហើយម្តងទៀតថា វ៉ាក់សាំង COVID-19 មិនត្រូវបានផ្សារភ្ជាប់ទៅនឹងការកើនឡើងហានិភ័យនៃជំងឺមហារីក នោះទេ៕

ប្រភព៖ នាយកដ្ឋានប្រយុទ្ធនឹងជំងឺឆ្លង CDC