កម្លាំងនគរបាលព្រហ្មទណ្ឌក្រសួងមហាផ្ទៃ បញ្ជូនជនជាតិអាមេរិកម្នាក់ទៅតុលាការ ករណីរក្សានឹងប្រើប្រាស់អាវុធខុសច្បាប់
ភ្នំពេញ៖ នៅរសៀលថ្ងៃទី៦ ខែមិថុនា ឆ្នាំ២០១៩ ជនសង្ស័យម្នាក់ជាជនជាតិអាមេរិក ត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ បញ្ជូនទៅអយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធី ពាក់ព័ន្ធករណីរក្សានឹងប្រើប្រាស់អាវុធខុសច្បាប់។
លោក ប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ បានឱ្យដឹងថាក្នុងប្រតិបត្តិការបង្ក្រាបករណីរក្សាទុកនឹងប្រើប្រាស់អាវុធខុសច្បាប់ខាងលើ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាល និងអគ្គស្នងការរងទទួលផែន កម្លាំងជំនាញក្រសួងផ្ទៃ បានស្រាវជ្រាវឃាត់ខ្លួនជនសង្ស័យ៣នាក់ កាលពីថ្ងៃទី៣ ខែមិថុនា ឆ្នាំ២០១៩ នៅចំណុចផ្ទះលេខ២០ ផ្លូវលេខ៩៧ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
លោកប្រធានយកដ្ឋានបានឱ្យដឹងថាជនសង្ស័យទី១-ឈ្មោះABOURAMAN ភេទប្រុស អាយុ៣០ឆ្នាំ ជនជាតិអាមេរិក, ទី២-ឈ្មោះLI PEI XIAN ភេទស្រី អាយុ៣២ឆ្នាំ ជនជាតិចិន និងទី៣-ឈ្មោះភឿន សារ៉ា ភេទប្រុស អាយុ៣៩ឆ្នាំ បម្រើការងារនៅអង្គភាពង៧០។ វត្ថុតាងដកហូតៈ អាវុធខ្លីប្រភេទទំនើបបានចំនួន៩ដើម គ្រាប់៩ម.ម ចំនួន៦៦គ្រាប់ ៕ ប្រភព៖ វេបសាយអគ្គស្នងការនគរបាលជាតិ
