ស្នងការដ្ឋាននគរបាលរាជធានីភ្នំពេញ ធ្វើការបកស្រាយរឿង ថៅកែក្លឹបលុច្សសារី ត្រូវបានចាប់ខ្លួន
រាជធានីភ្នំពេញ៖ កាលពីវេលាម៉ោងប្រមាណ០២រំលងអាធ្រាតថ្ងៃទី០៨ ខែមិថុនា ឆ្នាំ២០១៩ កម្លាំងសមត្ថកិច្ចបានចុះឆែកឆេរ នៅចំនុច ក្លឹបកម្សាន្ត “លុច្សសារី” តាមបណ្តោយផ្លូវ ២១៤ សង្កាត់បឹងរាំង ខណ្ឌដូនពេញ រាជធានីភ្នំពេញ ហើយបានធ្វើការឃាត់ខ្លួនមនុស្សប្រមាណ ៤០០នាក់ ជាមួយនឹងគ្រឿងញៀនមួយចំនួនទៀតផង។ ប៉ុន្តែស្រាប់តែពេលថ្មីៗនេះ លេចលឺព័ត៌មានថា ថៅកែក្លឹបកម្សាន្ត “លុច្សសារី” ត្រូវបានកម្លាំងសមត្ថកិច្ចធ្វើការចាប់ខ្លួនបានហើយ។
ទាក់ទងនឹងព័ត៌មានចាប់ខ្លួនថៅកែក្លឹបកម្សាន្ត លុច្សសារី” នេះផងដែរ ស្នងការដ្ឋាននគរបាលរាជធានីភ្នំពេញ បានធ្វើការច្រានចោលព័ត៌មានថា “ឈ្មោះ ថាត់ វ៉ៃ មិនមែនជាថៅកែក្លឹបកម្សាន្តលុច្សសារី នោះទេ ហេីយថៅកែក្លឹប លុច្សសារី ពិតប្រាកដសមត្ថកិច្ចកំពុងតាមចាប់ខ្លួន។ ក្រោយពីមានការបកស្រាយ និងបញ្ជាក់ពីស្នងការដ្ឋាននគរបាលរាជធានីភ្នំពេញ សារព័ត៌នោះថាមានការយល់ច្រឡំ ហេីយក៏បានកែប្រែលេីការសរសេរនោះផងដែរ សូមមេត្តាសារព័ត៌ទាំងអស់ជួយស្រាវជ្រាវ និងស្វែងរកព័ត៌អោយបានគ្រប់ជ្រុងជ្រោយ និងពិតប្រាកដ មុននឹងចុះផ្សាយជាសាធារណ:”៕
អត្ថបទ៖ សេម
ប្រភព៖ ស្នងការដ្ឋាននគរបាលរាជធានីភ្នំពេញ