ប៉ុន្មានថ្ងៃនេះនៅក្នុងបណ្តាញសង្គម Facebook បានការចែកចាយតៗគ្នា ដែលថា ដើម្បីឲ្យដឹងច្បាស់ថា គណនី Facebook របស់លោកមានសុវត្ថិភាព ឬគ្មានអ្នកណាម្នាក់លួចចូលប្រើឬអត់នោះ អ្នកត្រូវតែសរសេរពាក្យ BFF នៅក្នុងកន្លែងបញ្ចេញមតិ ហើយប្រសិនបើអក្ស BFF នោះលោតពណ៌ខៀវ វាមានន័យថា គណនី Facebook ​របស់អ្នកមានសុវត្ថិភាព។

ផ្ទុយទៅវិញ ទាក់ទងនឹងករណីខាងលើនេះផងដែរ ប្រសិនអក្ស BFF មិនលោតទៅជាពណ៌ខៀវទេ វាមានន័យថា គណនី Facebook របស់អ្នកកំពុងតែត្រូវបានគេលួចប្រើហើយ ដូចនេះត្រូវតែប្តូរ Password ជាបន្ទាន់។ យ៉ាងណាក្តី បើយោងតាម សារព័ត៌មាន thatsnonsense បានពន្យល់ថា ការពិតពាក្យថា BFF​ មានន័យថា Best Friend Forever ដែលពាក្យនេះ ពេលអ្នកសរសេរវាក្នុងកន្លែងបញ្ចេញមតិក្នុងគណនី Facebook វានឹងលោតទៅពណ៌ខៀវ ហើយនេះវារឿងធម្មតានោះទេ គ្មានអ្វីចម្លែកទាល់តែសោះ។

សារព័ត៌មានខាងលើបានពន្យល់ទៀតថា ខាងក្រុមហ៊ុន Facebook គ្មានហេតុណាឲ្យអ្នកត្រូវសរសេរពាក្យ BFF ដើម្បីត្រួតពិនិត្យសុវត្ថិភាពរបស់គណនីអ្នកនោះទេ។ ហើយបើយើងគិតតាមភាពត្រឹមត្រូវវិញ គ្រាន់តែសរសេរពាក្យ BFF វាមិនគ្រប់គ្រាន់អាចជួយពិនិត្យសុវត្ថិភាពរបស់គណនី Facebook អ្នកបាននោះទេ។ ដូចនេះពាក្យចចាមអារ៉ាមខាងលើដូចជាមិនសមហេតុផល និងមិនគួរឲ្យជឿទាល់តែសោះ៕

ភក្តី

ប្រភព៖ thatsnonsense