ក្រោយមានការហែកហួរគ្នាពេញបណ្តាញសង្គម Facebook ពីសំណាក់លោក ថៃ នរៈសត្យា អតីតរដ្ឋលេខាធិការ ក្រសួងវប្បធម៌និងវិចិត្រសិល្បៈ ជាមួយនឹងអតីភរិយារបស់លោកគឺអ្នកស្រី ងិន ម៉ានីយ៉ា រហូតលោក ថៃ នរៈសត្យា ដាក់ឈ្មោះអោយថាជាស្រីកំណាច រួចមក រឿងនេះមិនត្រូវបានបញ្ចប់នោះឡើយ ដោយអតីតមន្ត្រីមានដំណែងធំរូបនេះ បានទាញឯកឧត្តម ដួង តារា អោយមកចូលក្នុងសាច់រឿងអ្នកទាំង២ថែមទៀតផង។

មិនយូរប៉ុន្មានអ្នកស្រី ងិន ម៉ានីយ៉ា ក៏បានប្រកាសមិនអាចអហោសិកម្ម អោយលោក ថៃ នរៈសត្យា បាននោះឡើយ ដោយអ្នកស្រីបានរៀបរាប់នៅលើ Facebook ថា៖ “បងប្អូនជួយចូលអាន comment បើតែយ៉ាងនេះខ្ញុំមិនអាចអាហោសកម្មបានទេ ..ខ្ញុំប្រាកដជារកភាពស្អាតស្អំនិងយុត្តិធម៌ឲ្យខ្លួនឯងនិងមនុស្សដែលគ្មានកំហុស។ នេះវាចូលលក្ខណៈបាចអង្កាមបញ្ច្រាស់ខ្យល់ហើយ ( កញ្ជ្រោងកញ្ចាស់) ខ្ញុំនឹងធ្វើឱ្យសក្កិសមនឹងឈ្មោះដែលអ្នកដាក់ឲ្យខ្ញុំថា( ស្រីកំណាច)។ ទៅជាស្អីទៅចុះ លែងគិតហើយ ខ្ញុំនឹងធ្វើតាមបំណងដែលអ្នកចង់បាន។”