សម្រាប់មេរោគថ្មីមួយដែលត្រូវបានរកឃើញនៅក្នុង iOS 11 អាចនឹងធ្វើការវាយប្រហារកម្មវិធីផ្ញើរសារ ដោយធ្វើឲ្យសារឯកជនដែលផ្ញើរចូលមក បង្ហាញនៅលើ Lock Screen របស់ iPhone តែម្ដង។ ដោយឡែក មេរោគនេះត្រូវបានរកឃើញដោយលោក Brazilian ហើយវាផ្ដល់ផលប៉ះពាល់ស្ទើររាល់កម្មវិធីផ្ញើរសារទាំងអស់ដែលមានដូចជា WhatsApp, Signal, Telegram និង Skype។

ជាធម្មតា នៅក្នុង iOS 11 គឺមានមុខងារអនុញ្ញាតឲ្យអ្នកប្រើប្រាស់ ធ្វើការបិទបាំងរាល់សារនានាដែលផ្ញើរចូលមក មិនឲ្យបង្ហាញនៅលើ Lock Screen ឡើយ ហើយអ្នកត្រូវធ្វើតាមជំហានខាងក្រោមនេះ ដើម្បីបើកមុខងារនេះឡើង៖

1/ ចូលទៅកាន់ Setting

2/ រកមើលពាក្យថា Notifications

3/ ចូលទៅកាន់ Show Previews

4/ បន្ទាប់មកជ្រើសយកពាក្យថា When Unlocked

យោងតាមគេហទំព័រ MacMagazine បានរកឃើញថា ដើម្បីប្រើមុខងារ Siri ឲ្យអាន Notification ឲ្យអ្នក គឺគ្រាន់តែនិយាយពាក្យថា “Hey Siri, read my notification on the lock screen” នោះមុខងារជំនួយការដោយសម្លេងនេះ នឹងធ្វើការអានរាល់សារទាំងអស់ដែលមាន បើទោះជាអ្នកកំណត់ជា “When Unlocked” ក៏ដោយ។

ទាក់ទងទៅនឹងមេរោគថ្មីនេះ ពិតជាធ្វើឲ្យអ្នកប្រើប្រាស់មានការព្យួយបារម្មណ៍ទាក់ទងទៅនឹងឯកជនភាពរបស់ពួកគេមែនទែន។ មួយវិញទៀត មេរោគនេះក៏អាចនឹងផ្ដល់ផលប៉ះពាល់ដល់កម្មវិធីមួយចំនួនផ្សេងទៀតដូចជា Telegram និង Signal ជាដើម។

គួរបញ្ជាក់ផងដែរថា មេរោគនេះគឺវាយប្រហារខ្លាំងបំផុតសម្រាប់ iPhone ទាំងឡាយណាដែលដំណើរការលើប្រព័ន្ធ iOS ជំនាន់ទី 11.2.6 និងជំនាន់តេស្តសាកល្បង iOS 11.3។ ទោះជាយ៉ាងណា ភាពអសកម្មនេះត្រូវបានរាយការណ៍ទៅដល់ក្រុមហ៊ុន Apple រួចហើយ ដូចនេះវានឹងត្រូវបានជួសជុល និងកែប្រែក្នុងពេលដ៏ខ្លីខាងមុខ។ ប្រសិនបើអ្នកកំពុងទទួលរងការប៉ះពាល់ពីមេរោគនេះ អ្នកអាចចូលទៅកាន់ Setting -> Siri រួចបិទមុខងារនេះចោលតែម្ដងទៅ។

Fu

ប្រភព៖ idropnews