គួរឱ្យអស់សំណើចមែន! បុរសម្នាក់ខំគេចប៉ូលីសមកជាយូរ ប៉ុន្តែបែរជាត្រូវប៉ូលីសក្របួចចាប់បានដោយសារតែសំឡេងផោមទៅវិញ

បើយោងតាមសារព័ត៌មាន ​USA Today បានឱ្យដឹងថា បុរសជាអ្នកប្រើប្រាស់គ្រឿងញៀនម្នាក់ បានព្យាយាមពួនលាក់ខ្លួននៅឯរដ្ឋ Missouri របស់សហរដ្ឋអាមេរិក ប៉ុន្តែអ្វីដែលគួរឱ្យអស់សំណើចគឺថា គាត់ត្រូវបានប៉ូលីសចាប់ខ្លួនបានដោយសារសំឡេងផោមទៅវិញ។ វាមិនត្រូវបានគេបញ្ជាក់នោះទេថាគាត់រត់ពួនទៅទីណាខ្លះ ប៉ុន្តែប្រភពដដែលនិយាយថា ដោយសារតែគាត់ប្រើប្រាស់គ្រឿងញៀន ហើយរត់ចោលការងារទើបពួកមន្ដ្រីតាមស្វែងរកគាត់បែបនេះ។

ហេតុការណ៍នេះត្រូវបានរាយការណ៍ដោយការិយាល័យតម្រួតខោនធីនៅលើបណ្តាញហ្វេសប៊ុក ដោយមានភ្ជាប់ជាមួយនឹង Caption ថា៖ «ប្រសិនបើមានដីកាឃាត់ខ្លួនដើម្បីតាមចាប់ខ្លួនរបស់អ្នក ប៉ូលីសនឹងតាមស្វែងរកអ្នក ហើយបើអ្នកផោមយ៉ាងខ្លាំងបែបនេះ វានឹងបង្ហាញផ្លូវថាអ្នកពួននៅទីណា។ វាជាថ្ងៃ [poop emoji] របស់អ្នក»។ ពួកគេបានផុសបែបកំប្លែងនេះជាមួយនឹងពាក្យបញ្ចប់ #ItHappened ទៀតផង។

សូម្បីតែគណនី Twitter ផ្លូវការរបស់ទីក្រុង Liberty ក៏បានសរសេរបែបកំប្លែងថា៖ «នាយកដ្ឋានប៉ូលីសក្រុង Liberty មានការភ្ញាក់ផ្អើល ដែលបានឃើញឧបទ្ទវហេតុនេះ ដែលវាបានធ្វើឱ្យមានក្លិនស្អុយ ប៉ុន្តែជាសំណាងល្អគ្មាននរណាម្នាក់រងរបួសក្នុងអំឡុងពេលចាប់ខ្លួននោះទេ»៕

Thanks to @SheriffClayCo for airing out a wanted person’s dirty laundry and fanning the flames. The Liberty Police Department was surprised to see this incident slip out, which stinks for the arrestee. Fortunately, no one was injured during his arrest #nervousbelly #nocomment https://t.co/mHPoPds3nv

— Liberty Missouri (@LibertyMissouri) July 9, 2019

អត្ថបទ៖ លីដា