ព័ត៌មានជាតិ
បន្ទាប់ពីនាយឧត្តមសេនីយ៍ សៅ សុខា ព្រមានចាប់ខ្លួន ព្រឹកមិញនេះ លោក សាន្ត ប៊ុនធឿន ធ្វើការ live វីដេអូសុំទោសជាសាធារណៈហើយ
BY Khmernote Media
July 22, 2019
បន្ទាប់ពីមានការព្រមានចាប់ខ្លួន ពីនាយឧត្តមសេនីយ៍ សៅ សុខា រឿងលោកសាន្ត ប៊ុនធឿន បានធ្វើការចោទលោកឧត្ដមសេនីយ៍ ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ចាប់អ្នកកាសែត និងប្រជាពលរដ្ឋ ជាថ្នូរយកលុយពីឈ្មួយដីធ្លី នៅព្រឹកនេះលោក សាន្ត ប៊ុនធឿន ក៏បានធ្វើការ live វីដេអូសុំទោស ព្រមទាំងទទួលស្គាល់កំហុស។
ដោយលោក សាន្ត ប៊ុនធឿន ជាចាងហ្វាងសារព័ត៌មានសំឡេងស្នេហាជាតិ បានសរសេររៀបរាប់ថា៖ “សាន្ត ប៊ុនធឿន សូមកែតម្រូវ និងសូមទោសកងរាជអាវុធហត្ថជាសាធារណៈ នូវកំហុសឆ្គងកាលពីយប់មិញ”។ ហើយលោកក៏បានបញ្ជាក់ថា លោកនឹងធ្វើលិខិតសុំទោសនិងកែតម្រូវជាលាយលក្ខ័អក្សរមួយទៀតផងដែរ៕ ចង់ជ្រាបច្បាស់សូមទស្សនាវីដេអូនៅខាងក្រោម៖
