នៅមិនដល់មួយសប្តាហ៍ទៀតឡើយ ក្រុមហ៊ុន Samsung នឹងដាក់បង្ហាញ Galaxy Note 10 ប៉ុន្តែស្រាប់តែកាលពីពេលថ្មីៗនេះមានការប្រទះឃើញ មានគេប្រើប្រាស់ Galaxy Note 10 នៅតាមផ្លូវសាធារណៈនៅក្នុងប្រទេសកូរ៉េខាងត្បូង។ រូបភាពរបស់ Galaxy Note 10 ដែលគេប្រើនៅតាមផ្លូវសាធារណៈនោះត្រូវបានគេលួចថតបាន ហើយបង្ហោះចែកចាយពេញបណ្តាញសង្គម។

តាមរយៈរូបភាពនោះបង្ហាញថា វាហាក់ដូចមិនមានអ្វីថ្មីឡើយ ដោយសារតែកន្លងមករូបភាពបែកធ្លាយជាច្រើនរបស់ Galaxy Note 10 និង Note 10+ ត្រូវបានគេចែកចាយតៗគ្នាជាច្រើនពេញពិភពលោក ហើយអ្នកដែលប្រើប្រាស់ស្មាតហ្វូននេះទំនងជាបុគ្គលិករបស់ក្រុមហ៊ុន Samsung ផងដែរ ព្រោះវាជារឿងធម្មតាទៅហើយ ដែលក្រុមហ៊ុន Samsung តែងតែចែកផលិតផលថ្មីៗរបស់ខ្លួនឲ្យប្រើប្រាស់ និងធ្វើតេស្តសាកល្បងមុនពេលដាក់បង្ហាញជាផ្លូវការ។

គួររំលឹកផងដែរថា ក្រុមហ៊ុន Samsung នឹងដាក់បង្ហាញ Galaxy Note 10 នៅថ្ងៃទី០៧ ខែសីហា ខាងមុខនេះនៅទីក្រុង New York ហើយរបាយការណ៍បង្ហាញថា Note 10 នឹងចាប់ផ្តើមចរាចរណ៍លក់នៅលើទីផ្សារនៅថ្ងៃទី២៣ ខែសីហា៕

អត្ថបទ៖ ឌី