ស្រ្តីម្នាក់ប្រើពាក្យពេចន៍មួយឃ្លាក្នុងបទចម្រៀងដ៏ល្បីរបស់ Linkin Park ធ្វើឲ្យបុរសម្នាក់ ដែលប្រុងលោតសម្លាប់ខ្លួន ហូរទឹកភ្នែកឥតឈប់តែម្តង (មានវីដេអូ)
អាមេរិក៖ ស្រ្តីម្នាក់បានលួងលោមបុរសម្នាក់ ដែរស្ទើរតែលោតសម្លាប់ខ្លួនពីលើស្ពានទៅហើយឲ្យសម្រេចចិត្តឈប់សម្លាប់ខ្លួនវិញ ដោយនាងបានប្រើប្រាស់ទំនុកច្រៀងក្នុងបទចម្រៀងរបស់ Linkin Park។ ហេតុការណ៍នេះបានកើតឡើងនៅក្នុងរដ្ឋ Florida សហរដ្ឋអាមេរិក។ ស្ត្រីក្លាហានរូបនេះមានឈ្មោះថា Cristina Settani ហើយនាងគ្រាន់តែជាអ្នកដំណើរម្នាក់ ដែលបានឆ្លងកាត់ស្ពានជាកន្លែងកើតហេតុខាងលើ ហើយពេលប្រទះឃើញមានបុរសម្នាក់ប្រុងលោងសម្លាប់ខ្លួននោះ នាងក៏សម្រេចចុះពីរថយន្តទៅជជែកជាមួយបុរសនោះទេម្តង។ នាងបានដឹងថា បុរសដែលប្រុងលោតសម្លាប់ខ្លួននោះគឺជាមនុស្សឯកា និងត្រូវការមានមនុស្សខ្វាយខ្វល់ពីគាត់ជាខ្លាំង។
ក្នុងស្ថានភាពនោះនាងបានលើកយកប្រយោគនៅក្នុងបទ “One More Light” របស់ក្រុមចម្រៀង Linkin Park មកច្រៀង ដោយប្រយោគនោះមានន័យជាភាសាអង់គ្លេសថា “Who cares if one more light goes out? Well, I do” ដែលក្នុងន័យធៀបនៃប្រយោគនេះចង់មានន័យថា “តើអ្នកណានឹងខ្វល់ពីអ្នក បើអ្នកចាកចេញទៅ? គឺមានតែខ្ញុំទេដែលខ្វល់ពីអ្នក”។ ក្រោយស្ដាប់ប្រយោគនេះរួចបុរសដែលប្រុងនឹងលោតសម្លាប់ខ្លួននោះហាក់ភ្ញាក់ខ្លួនព្រឺត និងងាកមកនិយាយជាមួយនាង Cristina Settani មួយសន្ទុះ ហើយហូរទឹកភ្នែកតែម្តង។ ក្រោយស្ដាប់ការលើកទឹកចិត្ត និងជំរុញទឹកចិត្តពីនាង Cristina Settani បុរសដែលប្រុងលោតសម្លាប់ខ្លួននោះក៏បានប្តូរចិត្ត ឈប់លោតសម្លាប់ខ្លួនតែម្តង៕
The man looked like he was ready to jump off an overpass. But a stranger stopped her car and sat with him until a deputy arrived. A lyric from the band @linkinpark may have saved the man’s life. pic.twitter.com/2hcVsLXmCD
— Orange County Sheriff’s Office (@OrangeCoSheriff) July 24, 2019
អត្ថបទ៖ ភក្តី