នេះអាចជារឿងដែលគួរឲ្យភ្ញាក់ផ្អើលប្រចាំថ្ងៃមួយ និងជាពិសេសគឺសម្រាប់អតិថិជនរបស់ក្រុមហ៊ុន Apple តែម្ដង ដែលពួកគេអាចនឹងមិនដែលដឹងសោះថា សម្លេងថតរូបដែលតែងលឺរាល់ពេលចុចសញ្ញា Shutter នៅលើកាមេរ៉ា iPhone គឺត្រូវបានថតចេញពីកាមេរ៉ា Canon ទេ។

លោកអ្នកអាចកត់ចំណាំចាប់ពីពេលនេះទៅបាន ហើយសាកល្បងថតរូបនៅលើ iPhone រឺថតអេក្រង់នៅលើកុំព្យូទ័រ Mac នោះសម្លេងដែលបញ្ចេញមកនឹងដូចគ្នាទៅនឹងកាមេរ៉ារបស់ក្រុមហ៊ុន Canon ម៉ូដែល AE-1 film SLR ដែលត្រូវបានផលិតតាំងពីឆ្នាំ1970s និង 1980s មកម្លេះ។

ការបកស្រាយនេះ គឺទទួលបានពីលោក Jim Reekes ដែលគេស្គាល់ថាជាវិស្វករផ្នែកសម្លេងរបស់ក្រុមហ៊ុន Apple កាលពីឆ្នាំ1980។ មិនតែប៉ុណ្ណោះ Reekes ក៏ជាអ្នកដែលឈរនៅពីក្រោយខ្នងទាក់ទងទៅនឹងសម្លេងទាំងឡាយដែលត្រូវបានប្រើប្រាស់ស្រាប់នៅលើ iPhone។

គួរបញ្ជាក់ផងដែរថា កន្លងមក 10ឆ្នាំ គឺកំឡុងឆ្នាំ1990 លោក Reekes បានចាកចេញពីក្រុមហ៊ុន Apple ដោយបន្សល់ទុកគម្រោងរាប់ពាន់ទៀតកំពុងស្ថិតក្នុងដំណើរការ។ ទោះជាយ៉ាងណា ប្រសិនបើលោកនៅធ្វើការដល់សព្វថ្ងៃ នោះគម្រោងទាំងអស់របស់លោកនឹងមានតម្លៃជាង 8លានដុល្លារនាពេលបច្ចុប្បន្ន។

Fu

ប្រភព៖ petapixel